கரோனா வைரஸ் தடுப்பு நடவடிக்கையாக ஊரடங்கு அறிவிக்கப்பட்ட நாளிலிருந்து மதுபானக் கடைகள் மூடப்பட்டிருந்தன. ஊரடங்கு தளர்வு காரணமாக, கடந்த 7ஆம் தேதி மதுபானக் கடைகள் அனைத்தையும் திறக்க அரசு உத்தரவிட்டது. அதன்படி, தென்காசியில் கரோனா தாக்கம் அதிகம் பாதித்த கட்டுப்பாட்டுப் பகுதிகளை தவிர, மற்ற பகுதிகளிலிருந்த 158 கடைகள் திறக்கப்பட்டன.
இந்நிலையில், மதுபானக் கடைகளில் தகுந்த இடைவெளியைப் பின்பற்றவில்லை என்ற குற்றச்சாட்டு நீதிமன்றத்துக்குச் சென்றது. வழக்கை விசாரித்த நீதிபதி, மதுபானக் கடைகளை மூடிவிட்டு, ஆன்லைனில் விற்பனை செய்யுமாறு உத்தரவிட்டார். இதைத் தொடர்ந்து, அனைத்து மதுபானக் கடைகளும் மூடப்பட்டன.
மதுபானக் கடைகளில் பல லட்சம் ரூபாய் மதிப்பிலான மதுபானங்கள் இருப்பு வைக்கப்பட்டிருப்பதால், பாதுகாப்புக்கருதி அனைத்து கடைகளுக்கும் சீல் வைக்க டாஸ்மாக் நிர்வாகம் உத்தரவிட்டது. மேலும், பாதுகாப்புக் கருதி கடையின் கதவுகள் இரும்புக் கம்பிகளை கொண்டு வெல்டிங் செய்து, பாதுகாப்பைப் பலப்படுத்தியுள்ளது குறிப்பிடத்தக்கது.
இதையும் படிங்க: 'மின்சார சட்டத்திருத்தங்கள் கூட்டாட்சி கொள்கைகளுக்கு எதிரானது' - பிரதமருக்கு முதலமைச்சர் கடிதம்
