தென்காசி மாவட்டத்தில் கரோனா தொற்றின் வேகம் படிப்படியாக அதிகரித்துக் கொண்டே வருகிறது. இதுவரை மாவட்டத்தில் 298 பேர் கரோனா தொற்று காரணமாகப் பாதிக்கப்பட்டுள்ளனர். இதில் 156 நபர் குணமாகி வீடு திரும்பியுள்ளனர்.
மாவட்டத்தைப் பொறுத்தவரை இதுவரை வீடுகளில் 8 ஆயிரத்திற்கு மேற்பட்டவர்களும், அரசு முகாம்களில் 200க்கும் மேற்பட்டவர்களும் தனிமைப்படுத்தப்பட்டு, கண்காணிக்கப்பட்டுவருகின்றனர். இந்நிலையில், கீழப்பாவூர் வட்டார வளர்ச்சி அலுவலருக்குக் கரோனா தொற்று உறுதிசெய்யப்பட்டுள்ளது. இதனையடுத்து அவர் பணிபுரிந்த அலுவலகம் முழுவதும் கிருமிநாசினி தெளிக்கப்பட்டு தற்காலிகமாக மூடப்பட்டுள்ளது.
