தென்காசி மாவட்டம் கடையநல்லூர் இந்திரா நகர் பகுதியைச் சேர்ந்தவர் செல்லத்துரை (55). இவர் தனது வீட்டுக்கு அருகில் மாட்டு தொழுவம் வைத்து மாடுகளை பராமரித்து வருகிறார். இதனிடையே இவர் வீட்டிற்கு அருகில் வசித்துவரும் கொல்லி மாடசாமி (57) என்பவர், செல்லதுரையிடம் நிலம் தொடர்பாக மிரட்டல் விடுத்து வந்துள்ளார்.
இந்நிலையில், கடந்த சில தினங்களுக்கு முன்பு செல்லத்துரை வீட்டுக்கு எதிரில் உள்ள மாட்டு தொழுவத்தில் மாடுகளுக்கு உணவை வைத்துவிட்டு ஓய்வு எடுத்தபோது அந்த நேரத்தில் மின்சாரத்தை துண்டித்து கொல்லி மாடசாமி உள்ளிட்ட சிலர் செல்லத்துரையை அரிவாளால் வெட்டிக் கொலை செய்தனர்.
இது குறித்து கடையநல்லூர் காவல்துறையினர் வழக்குப் பதிவு செய்து விசாரனை நடத்தியதில், முக்கிய குற்றவாளி கொல்லி மாடசாமி, காளி முத்து, சுரேஷ், அனிஷ், பேச்சி முத்து ஆகியோரை கைது செயதனர்.
இந்நிலையில் கொல்லி மாடசாமி தொடர் குற்றச் செயலில் ஈடுபட்டுள்ளதாலும், அவர் மீது பல்வேறு வழக்குகள் உள்ள நிலையில் மாவட்ட காவல் கண்காணிப்பாளர் சுகுணா சிங் பரிந்துரையின் பேரில், ஆட்சியர் அருண் சுந்தர் தயாளன் உத்தரவில் மாடசாமி, சுரேஷ் ஆகியோரை குண்டர் சட்டத்தின் கீழ் காவல்துறையினர் கைது செய்துள்ளனர்.
இதையும் படிங்க: திருச்சியில் சோப்பில் மறைத்து கடத்த முயன்ற தங்கம் பறிமுதல்!
