சிவகங்கை மாவட்டம் பனங்குடியில் ஸ்ரீ முத்துமாரியம்மன் கோயில் பொங்கல் திருவிழாவினை முன்னிட்டு, வடமாடு மஞ்சுவிரட்டு நிகழ்ச்சி நடைபெற்றது. இதில் 16 காளைகள், 144 மாடுபிடி வீரர்கள் பங்கேற்றனர். ஒரு காளையை 25 நிமிடத்தில் அடக்க வேண்டும் என்ற நிபந்தனையின் பேரில் ஒன்பது பேர் களமிறக்கப்பட்டனர். சிவகங்கை, ராமநாதபுரம், புதுக்கோட்டை, மதுரை உள்ளிட்ட பல்வேறு பகுதிகளில் இருந்து காளைகள் மற்றும் மாடுபிடி வீரர்கள் போட்டியில் பங்கேற்றனர்.
போட்டியில் காளைகள் முட்டியதில் 2 பேர் காயமடைந்தனர். காயமடைந்தவர்கள் சிவகங்கை அரசு மருத்துவமனையில் சிகிச்சைக்காக அனுமதிக்கப்பட்டனர்.
