சேலத்தில் மழை மூதாட்டி பலி!

சேலம்: கனமழையின்போது கூரை சரிந்து விழுந்ததில் மூதாட்டி ஒருவர் பரிதாபமாக உயிரிழந்த சம்பவம் பெரும் சோகத்தை ஏற்படுத்தியுள்ளது.

சேலம் மற்றும் அதன் சுற்று வட்டாரங்களில் நேற்று ( ஏப்.30) இரவு பலத்த மழை பெய்தது. சேலம் மேட்டுப்பட்டி பகுதியில் வசித்து வந்தவர் பச்சையம்மாள்.

இந்நிலையில் இரவு பலத்த காற்றுடன் மழை பெய்ததில் ஆஸ்பெஸ்டாஸ் கூரை சரிந்து விழுந்துள்ளது. இதில் சிக்கிக்கொண்ட பச்சையம்மாள் நிகழ்விடத்திலேயே பலியானர்.

இதனையறிந்த பச்சையம்மாளின் உறவினர்கள் இதுகுறித்து வீராணம் காவல் நிலையத்தில் புகார் செய்தனர். பின்னர் சம்பவ இடத்திற்கு வந்த காவல்துறையினர் பச்சையம்மாளின் சடலத்தை மீட்டு உடற்கூராய்வுக்காக சேலம் அரசு மருத்துவமனைக்கு அனுப்பிவைத்தனர். மழைக்கு மூதாட்டி பலியான சம்பவம் அப்பகுதியில் பரபரப்பையும் சோகத்தையும் ஏற்படுத்தியுள்ளது.