சேலத்தில் ஒவ்வொரு ஆண்டும் ஆடி மாதம் கோட்டை மாரியம்மன் கோயில் திருவிழா நடப்பது வழக்கம். திருவிழாவை ஒட்டி சேலம் போஸ் மைதானத்தில் அரசுப் பொருட்காட்சி நடத்தப்படும்.
ஆனால் தற்பொழுது போஸ் மைதானத்தில் தற்காலிக பேருந்து நிலையம் அமைக்கப்பட்டுள்ளதால் அரசுப் பொருட்காட்சி பள்ளப்பட்டி பகுதியில் உள்ள புதிய பேருந்து நிலையம் அருகில் உள்ள காலி இடத்தில் அமைக்கப்பட்டுவருகிறது.
ஆய்வு செய்யும் ஆட்சியர்
இந்த இடத்தில் 35-க்கும் மேற்பட்ட அரசு அரங்குகள், 20-க்கும் மேற்பட்ட தனியார் அரங்குகள் அமைக்கப்பட்டுவருகின்றன. இது தவிர குழந்தைகளுக்கான ராட்டினம் உள்ளிட்ட பல்வேறு விளையாட்டு கருவிகளும் அமைக்கப்பட்டுவருகின்றன.
இந்தப் பணிகளை மாவட்ட ஆட்சியர் ராமன் ஆய்வு செய்தார். ஆகஸ்ட் முதல் வாரத்தில் தொடங்கவுள்ள இந்தப் பொருட்காட்சியை தமிழ்நாடு முதலமைச்சர் எடப்பாடி பழனிசாமி திறந்து-வைக்கவுள்ளார்
