நீட் விவகாரத்தில் மாநில் அரசே முடிவெடுத்துக் கொள்ளலாம் -ராகுல் உறுதி! - மதச்சார்பற்ற முற்போக்கு கூட்டணி

சேலம்: நீட் தேர்வை பொறுத்தவரை மாநில அரசுகளே முடிவெடுத்துக் கொள்ள, காங்கிரஸ் ஆட்சிக்கு வந்ததும் நடவடிக்கை எடுக்கப்படுமென சேலத்தில் நடைபெற்ற மதச்சார்பற்ற முற்போக்குக் கூட்டணி தேர்தல் பரப்புரையில் காங்கிரஸ் தலைவர் ராகுல் காந்தி உறுதியளித்தார்.

காங்கிரஸ் தலைவர் ராகுல் காந்தி

Published : Apr 13, 2019, 9:58 AM IST

மதச்சார்பற்ற முற்போக்கு கூட்டணியின், சேலம், கள்ளக்குறிச்சி, கரூர், நாமக்கல் மாவட்டங்களுக்கான தேர்தல் பரப்புரை பொதுக்கூட்டம் சேலம் சீலநாயக்கன்பட்டி பைபாஸ் அருகே நடைபெற்றது. இதில் அகில இந்திய காங்கிரஸ் கமிட்டித் தலைவர் ராகுல் காந்தி, திமுக தலைவர் மு. க. ஸ்டாலின் ஆகியோர் பரப்புரை செய்தனர்.

அப்போது பேசிய திமுக தலைவர் மு.க.ஸ்டாலின், "கடந்த 5 ஆண்டுகளாக மோடி தலைமையில் நடைபெறும் மத்திய ஆட்சி மக்களுக்கு ஒன்றுமே செய்யவில்லை. மோடி சர்வாதிகார ஆட்சி நடத்தி வருகிறார். இது அசிங்கமான ஆட்சியாக இருக்கிறது. 5 ஆண்டுகளாக ஒன்றுமே செய்யாமல் இருந்துவிட்டு கார்ப்பரேட் கம்பெனிகளுக்கு உதவிகள் செய்துவிட்டு மீண்டும் ஆட்சிக்கு வந்தால் இந்தியாவை வளர்ந்த நாடாக ஆக்குவோம் என்று கூறுகிறார். அதையே பாரதிய ஜனதா கட்சியின் தேர்தல் அறிக்கையாக வெளியிட்டு இருக்கிறார்கள். அதெல்லாம் வெறுங்கனவு.

தமிழகத்தில் முதலமைச்சர் எடப்பாடி பழனிசாமி தன்னை விவசாயியின் மகன் என்றும் விவசாயியின் மகன் முதல் அமைச்சராக இருப்பதை ஸ்டாலின் விரும்பவில்லை என்றும் ஊர் ஊராக பேசி வருகிறார் . விவசாயின் மகன் முதலமைச்சராக இருக்கலாம் ஆனால் விஷவாயு முதலமைச்சராக இருக்கக் கூடாது என்பதே எங்களின் கருத்து. ராகுலை இளம் தலைவர் என அழைப்பதை விட இளம் பிரதமர் என அழைப்பது சரியாக இருக்கும். முதன்முதலில் அடுத்த பிரதமர் ராகுல் காந்திதான் என்று அறிவித்தது நான்தான் அதையே இங்கும் வலியுறுத்துகிறேன். நாடும் நமதே நாற்பதும் நமதே என ராகுல் காந்தியிடம் இப்போது உறுதியளிக்கின்றேன். நேரு குடும்பத்தில் இருந்து வந்துள்ள நீங்கள் இந்தியாவுக்கு நல்லாட்சி தர வேண்டும். கடந்த 5 ஆண்டுகளாக கொடுமைகளைச் சகித்துக் கொண்டு இருக்கும் மக்களை காப்பாற்ற வேண்டும்" என்றார்.

இதனைத்தொடர்ந்து பேசிய காங்கிரஸ் தலைவர் ராகுல் காந்தி,"பாரதிய ஜனதா இந்தியாவில் ஒற்றை நோக்கம் ஒரே கருத்து இருக்க வேண்டும் என்கிறது. அதையே இந்த நாட்டு மக்களுக்கும் திணிக்கப் பார்க்கிறது . அதனால்தான் நீட் தேர்வு கொண்டு வந்தார்கள். மாநிலங்கள் முடிவெடுக்கும் அதிகாரத்தை பாரதிய ஜனதா விரும்பவில்லை. ஆனால் காங்கிரஸ் கட்சியோ அனைத்து மொழியும் கலாச்சாரமும் இணைந்து பணியாற்றும் இந்தியாவை உருவாக்க வேண்டும் வளர்க்க வேண்டும் என்று விரும்புகிறது.

தமிழ்நாடு நாக்பூரில் இருந்து இயக்கப்பட வேண்டும் என்று பாரதிய ஜனதா விரும்புகிறது. தமிழ்நாட்டின் முடிவுகளை டெல்லி பிரதம அமைச்சரின் அலுவலகம் எடுக்க வேண்டும் என்று பாரதிய ஜனதா விரும்புகிறது. நாங்கள் தமிழ்நாடு தமிழர்களால் ஆளப்பட வேண்டும் என்று கூறுகிறோம். தமிழர்களின் குரல் இந்தியாவை வலிமை மிக்க நாடாக உருவாக்க வழி நடத்த வேண்டும் என்கிறோம்.

அதனால்தான் நாங்கள் இணைந்து பணியாற்றிக் கொண்டு இருக்கிறோம் இந்தியாவின் பன்முகத் தன்மை பாதுகாக்கப்பட வேண்டும் என்பதே இப்போதைய தேவை. தன்னுடைய தந்தைக்கு தமிழக அரசால் உரிய மரியாதை கிடைக்கவில்லை என்று மு.க. ஸ்டாலின் வருத்தப்பட்டார் . அவருக்கு ஏற்பட்ட அவமானத்தை என்னால் புரிந்து கொள்ள முடிகிறது. உலகம் போற்றும் தலைவர் கருணாநிதி. அவர் தமிழகத்தின் குரலாக இருந்தார்" எனக் கூறினார்.

தொடர்ந்து பேசிய அவர், "நீட் தேர்வு வேண்டாம் என்று பாதிக்கப்பட்ட மாணவி அனிதா உயிரிழந்தார். அது ஒட்டுமொத்த மக்களின் உணர்வை பிரதிபலிப்பதாக இருந்தது. அதே போல மேலும் மாணவிகள் நீட் தேர்வால் பாதிப்படைந்து மரணம் அடைந்துவிடக் கூடாது என்பதில் காங்கிரஸ் உறுதியாக இருக்கிறது. நீட் தேர்வைப் பொறுத்தவரை மாநில அரசுகளே முடிவெடுத்துக் கொள்ள, காங்கிரஸ் ஆட்சிக்கு வந்ததும் நடவடிக்கை எடுக்கப்படும்" என தெரிவித்தார்.

இந்த தேர்தல் பரப்புரைக் கூட்டத்தில் சேலம் திமுக வேட்பாளர் எஸ்.ஆர். பார்த்திபன், கள்ளக்குறிச்சி வேட்பாளர் கௌதம சிகாமணி, கரூர் வேட்பாளர் ஜோதிமணி, நாமக்கல் வேட்பாளர் சின்ராஜ், ஈரோடு வேட்பாளர் கணேச மூர்த்தி ஆகியோருக்கு ராகுல் காந்தியும் மு.க. ஸ்டாலினும் வாக்கு சேகரித்தனர்.

Intro:சேலம் சீலநாயக்கன்பட்டி பைபாஸ் அருகில் இன்று மதச்சார்பற்ற ஜனநாயக முற்போக்கு கூட்டணியின், சேலம், கள்ளக்குறிச்சி, கரூர், நாமக்கல் தேர்தல் பரப்புரை பொதுக்கூட்டம் நடைபெற்றது.

இதில் கலந்துகொண்டு அகில இந்திய காங்கிரஸ் கமிட்டி தலைவர் ராகுல் காந்தி, திமுக தலைவர் மு. க. ஸ்டாலின் ஆகியோர் தேர்தல் பரப்புரை செய்தனர்.

Body:பரப்புரைக் கூட்டத்தில் பேசிய திமுக தலைவர் மு.க.ஸ்டாலின் தமிழக அரசையும் அதிமுகவையும் கடுமையாக விமர்சித்தார். அப்போது அவர் கூறுகையில், " கடந்த 5 ஆண்டுகளாக மோடி தலைமையில் நடைபெறும் மத்திய ஆட்சி மக்களுக்கு ஒன்றுமே செய்யவில்லை.

மோடி சர்வாதிகார ஆட்சி நடத்தி வருகிறார். இது அசிங்கமான ஆட்சியாக இருக்கிறது. 5 ஆண்டுகளாக ஒன்றுமே செய்யாமல் இருந்துவிட்டு கார்ப்பரேட் கம்பெனிகளுக்கு உதவிகள் செய்துவிட்டு மீண்டும் ஆட்சிக்கு வந்தால் இந்தியாவை வளர்ந்த நாடாக ஆக்குவோம் என்று கூறுகிறார்.

அதையே பாரதிய ஜனதா கட்சியின் தேர்தல் அறிக்கையாக வெளியிட்டு வெளியிட்டு இருக்கிறார்கள். அதை தேர்தல் அறிக்கையாகவும் வெளியிட்டு உள்ளனர். அதெல்லாம் வெறுங்கனவு.

தமிழகத்தில் முதலமைச்சர் எடப்பாடி பழனிசாமி தன்னை விவசாயியின் மகன் என்றும் விவசாயியின் மகன் முதல் அமைச்சராக இருப்பது ஸ்டாலின் விரும்பவில்லை என்றும் ஊர் ஊராக பேசி வருகிறார் . விவசாயின் மகன் முதலமைச்சர் ஆக இருக்கலாம் ஆனால் விஷவாயு முதல் அமைச்சராக இருக்கக் கூடாது என்பதே எங்களின் கருத்து.

ராகுலை இளம் தலைவர் என அழைப்பதை விட இளம் பிரதமர் என அழைப்பது சரியாக இருக்கும். முதன்முதலில் அடுத்த பிரதமர் ராகுல் காந்திதான் என்று அறிவித்தது நான்தான் அதையே இங்கும் வலியுறுத்துகிறேன். நாடும் நமதே நாற்பதும் நமதே என ராகுல் காந்தியிடம் இப்போது உறுதியளிக்கின்றேன்.

நேரு குடும்பத்தில் இருந்து வந்துள்ள நீங்கள் இந்தியாவுக்கு நல்லாட்சி தர வேண்டும். கடந்த 5 ஆண்டுகளாக கொடுமைகளைச் சகித்துக் கொண்டு இருக்கும் மக்களை காப்பாற்ற வேண்டும் . திமுகவின் எண்ணங்களை காங்கிரஸ் தேர்தல் அறிக்கை பிரதிபலிக்கிறது.

திமுக தேர்தல் அறிக்கையை வெளியிட்ட போது ஸ்டாலின் என்ன பிரதமரா என்று தமிழ்நாட்டில் கேள்வி எழுப்பினர் .ஆனால் திமுக அறிக்கையை பிரதிபலிக்கும் வகையில் காங்கிரஸ் அறிக்கை வெளியிட்டது.

அதனால்தான் கூறுகிறோம் திமுக தேர்தல் அறிக்கையை ஹீரோ என்றால் காங்கிரஸ் வெளியிட்ட தேர்தல் அறிக்கை இந்த தேர்தலில் சூப்பர் ஹீரோ என்று. ஆனால் பாஜக வெளியிட்டது ஜீரோ அறிக்கை .

இந்தத் தேர்தலில் கதாநாயகனும் கதாநாயகியும் நமது தேர்தல் அறிக்கைகள் தான். இந்தியாவில் தற்போது நடைபெறும் சர்வாதிகார ஆட்சியை உடனடியாக பதவி விலக வைக்க வேண்டும் என்பதே மக்களின் கருத்தாக இருக்கிறது" என்று தெரிவித்தார்.

மேலும் அவர் கூறும்போது," கலைஞர் கருணாநிதிக்கு அண்ணா நினைவிடம் அருகே நினைவிடம் அமைக்க அனுமதி கேட்டு முதலமைச்சரிடம் நேரில் வலியுறுத்தினோம். ஆனால் அவர்கள் மனம் இரங்கவில்லை. இதனையடுத்து நீதிமன்றம் சென்று நாங்கள் உரிய நீதியை பெற்றோம்" என்றும் கூறினார்.

பரப்புரைக் கூட்டத்தில் அடுத்து பேசிய காங்கிரஸ் தலைவர் ராகுல் காந்தி," பாரதிய ஜனதா இந்தியாவில் ஒற்றை நோக்கம் ஒரே கருத்து இருக்க வேண்டும் என்கிறது.

அதையே இந்த நாட்டு மக்களுக்கும் திணிக்க பார்க்கிறது . அதனால்தான் நீட் தேர்வு கொண்டு வந்தார்கள். மாநிலங்கள் முடிவெடுக்கும் அதிகாரத்தை பாரதிய ஜனதா விரும்பவில்லை.

ஆனால் காங்கிரஸ் கட்சியோ அனைத்து மொழியும் கலாச்சாரமும் இணைந்து பணியாற்றும் இந்தியாவை உருவாக்க வேண்டும் வளர்க்க வேண்டும் என்று விரும்புகிறது.

தமிழ்நாடு நாக்பூரில் இருந்து இயக்கப்பட வேண்டும் என்று பாரதிய ஜனதா விரும்புகிறது. தமிழ்நாட்டின் முடிவுகளை டெல்லி பிரதம அமைச்சரின் அலுவலகம் எடுக்க வேண்டும் என்று பாரதிய ஜனதா விரும்புகிறது.

நாங்கள் தமிழ்நாடு தமிழர்களால் ஆளப்பட வேண்டும் என்று கூறுகிறோம். தமிழர்களின் குரல் இந்தியாவின் வலிமை மிக்க நாடாக உருவாக்க வழி நடத்த வேண்டும் என்கிறோம்.

அதனால்தான் நாங்கள் இணைந்து பணியாற்றிக் கொண்டு இருக்கிறோம் இந்தியாவின் பன்முகத் தன்மை பாதுகாக்கப்பட வேண்டும் என்பதே இப்போதைய தேவை.

தன்னுடைய தந்தைக்கு தமிழக அரசால் உரிய மரியாதை கிடைக்கவில்லை என்று மு க ஸ்டாலின் வருத்தப்பட்டார் . அவருக்கு ஏற்பட்ட அவமானத்தை என்னால் புரிந்து கொள்ள முடிகிறது.

உலகம் போற்றும் தலைவர் கருணாநிதி. அவர் தமிழகத்தின் குரலாக இருந்தார். தமிழகத்திற்கு இழைக்கப்பட்ட அவமானம் அவருக்கு இழைக்கப்பட்டது.

காங்கிரஸ் தேர்தல் அறிக்கை வெளிப்படையானது. பாஜக தேர்தல் அறிக்கை போல இருட்டு அறையில் எழுதப்பட்டது அல்ல.

நீட் தேர்வு வேண்டாம் என்று பாதிக்கப்பட்ட நிலையில், மாணவி அனிதா உயிரிழந்தார். அது ஒட்டுமொத்த மக்களின் உணர்வை பிரதிபலிப்பதாக இருந்தது.

அதே போல மேலும் மாணவிகள் நீட் தேர்வால் பாதிப்படைந்து மரணம் அடைந்து விடக்கூடாது என்பதில் காங்கிரஸ் உறுதியாக இருக்கிறது. நீட் தேர்வை பொருத்தவரை மாநில அரசுகளே முடிவெடுத்துக் கொள்ள, காங்கிரஸ் ஆட்சிக்கு வந்ததும் நடவடிக்கை எடுக்கப்படும்.

ஜிஎஸ்டி கொண்டுவந்து நாட்டின் சிறு உற்பத்தியாளர்களின் வணிகத்தை முடக்க நினைக்கிறார் மோடி. பணமதிப்பு இழப்பு நடவடிக்கை குறித்து மோடி யாரிடமும் கருத்து கேட்கவில்லை.

அதனால் அதிகம் பாதிக்கப்பட்டது மக்கள் தான் . ஆனால் அந்த நிலையிலும் அதானிக்கும் அம்பானிக்கும் 15 ஆயிரம் கோடி ரூபாய் இழப்பீடு வழங்கி இருக்கிறார். மோடியை அனில் அம்பானியோடும் பெரும் பணக்காரர்கள் ஓடும் தான் பார்க்க முடியும் ஒரு ஏழை யோடு அவர் இருக்கும் புகைப்படம் ஏதாவது பார்க்க முடியுமா இல்லை.

மத்தியில் காங்கிரஸ் ஆட்சிக்கு வந்ததும் கிராமங்கள் தோறும் கணக்கெடுத்து 20% ஏழைகளுக்கு, மாதம் ஆறாயிரம் ரூபாய் என வருடத்திற்கு72,000 ரூபாய் உதவித் தொகை அளிப்போம்.

திமுகவும் காங்கிரசும் இணைந்து இந்தியாவில் தமிழகத்தில் வறுமையை ஒழிக்க மிகப்பெரிய சர்ஜிகல் ஸ்ட்ரைக் நடத்துவோம்.

பெண்களின் வங்கிக் கணக்கில் இந்தப் பணம் செலுத் தப்படும். மோடியால் 5 ஆண்டுகளில் பாதிக்கப்பட்ட மக்களுக்கு நீதி கிடைக்கும் வகையில் என்று திட்டம் செயல்படுத்தப்படும்.

பெண்களுக்கு பாராளுமன்றத்தில் 33 சதவீத இட ஒதுக்கீடு வழங்கப்படும் . மத்திய அரசு அலுவலகப் பணிகளில் பெண்களுக்கு 33 சதவீதம் இட ஒதுக்கீடு வழங்கப்படும்.

புதிதாக தொழில் தொடங்கும் இளைஞர்கள் மூன்றாண்டுகளுக்கு அனுமதி பெறத் தேவையில்லை. தொழிலை நிலை நிறுத்திய பிறகு அனுமதி பெற்றாலே போதும் .

5 ஆண்டுகளாக 22 லட்சம் மத்திய அரசு பணியிடங்கள் நிரப்பப்படாமல் உள்ளன காங்கிரஸ் ஆட்சிக்கு வந்ததும் அந்த பணியிடங்களை உடனே நிரப்ப நடவடிக்கை எடுக்கப்படும்.

கூடுதலாக 10 லட்சம் பணியிடங்களையும் நிரப்ப நாங்கள் உறுதியாக உள்ளோம். காங்கிரஸ் கூட்டணி , அதிகாரப் பகிர்வில் நம்பிக்கை கொண்டுள்ள கூட்டணி. பாரதிய ஜனதாக் கட்சி போல அல்ல.

தமிழகத்தில் விரைவில் ஸ்டாலின் முதல்வராவார். தமிழகம் வளர்ச்சி அடைய நாங்கள் விரும்புகிறோம். மோடியை தோற்கடிக்கவேண்டும் இந்தியாவின் வரலாற்றை மோடி இன்னும் முழுமையாக உணரவில்லை." என்று தெரிவித்தார்.

Conclusion:இந்த தேர்தல் பரப்புரைக் கூட்டத்தில் சேலம் திமுக வேட்பாளர் எஸ் . ஆர். பார்த்திபன், கள்ளக்குறிச்சி வேட்பாளர் கௌதம சிகாமணி, கரூர் வேட்பாளர் ஜோதிமணி , நாமக்கல் வேட்பாளர் சின்ராஜ், ஈரோடு வேட்பாளர் கணேச மூர்த்தி ஆகியோருக்கு ராகுல் காந்தியும் மு க ஸ்டாலின் வாக்கு சேகரித்தனர்.

For All Latest Updates