சேலம் அரியானூரில் உள்ள தனியார் மருத்துவமனை வளாகத்திலிருந்து 500க்கும் மேற்பட்ட இருசக்கர வாகன ஓட்டிகள் கலந்து கொண்ட ஹெல்மெட் விழிப்புணர்வு பேரணி நேற்று நடைபெற்றது.
இதுகுறித்து மருத்துவர் சந்திரசேகர் கூறுகையில் ,"சேலம் கோயமுத்தூர் நெடுஞ்சாலையில் மாதத்திற்கு 5க்கும் மேற்பட்டோர் ஹெல்மெட் அணியாமல் விபத்தில் சிக்கி மூளையில் ரத்தக் கசிவு ஏற்பட்ட நிலையில், அவசர சிகிச்சைப் பிரிவில் சேர்க்கப்படுகின்றனர்.
இது மிகவும் வருந்தத்தக்கது. இருசக்கர வாகன ஓட்டிகள் தங்களுக்கு குடும்பம் இருப்பதை நினைவில் கொண்டு, வாகனங்கள் ஓட்டும்போது ஹெல்மெட் அணிந்து கொள்ள வேண்டும். இதற்காக ஹெல்மெட் அணிவதன் அவசியத்தை வலியுறுத்தி 500க்கும் மேற்பட்ட இருசக்கர வாகன ஓட்டிகள் பொதுமக்களுக்கு விழிப்புணர்வு ஏற்படுத்தும் வகையில் பேரணி நடத்துகின்றனர் "என்று தெரிவித்தார்.
தனியார் மருத்துவமனை வளாகத்தில் இருந்து புறப்பட்ட இந்த விழிப்புணர்வு பேரணி அரியானூர், பெரிய சீரகாபாடி , வீரபாண்டி உள்ளிட்ட பல்வேறு பகுதிகள் வழியாக சென்றது. இந்த விழிப்புணர்வு பேரணி பொதுமக்கள் மத்தியில் மிகுந்த வரவேற்பை பெற்றது.
