சேலம்: இரும்பு ஆலையை அடுத்த எஸ்.கொல்லப்பட்டி பகுதியில் பட்டாசு கடை நடத்தி வருபவர், கந்தசாமி. இவரது பட்டாசு கிடங்கில் கோயில் திருவிழாவிற்காக ஆர்டர் பெற்று நாட்டு வெடி தயாரிக்கும் பணி நடைபெற்று வந்து உள்ளது. இந்தப் பணியில் பட்டாசு கடை உரிமையாளர் கந்தசாமியின் மகன் சதீஷ்குமார் உள்ளிட்ட 8 பேர் ஈடுபட்டு இருந்தனர்.
இந்த நிலையில் நேற்று (ஜூன் 1) மாலை 4 மணியளவில் பட்டாசு கிடங்கில் தீ விபத்து ஏற்பட்டது. சிறிது நேரத்தில் பயங்கர சத்தத்துடன் பட்டாசு வெடித்து சிதறியது. இதனால் அப்பகுதி முழுவதுமே புகை மண்டலமாக காட்சி அளித்தது. மேலும், வெடி விபத்து காரணமாக சிமெண்ட் கூரை கட்டடம் முழுவதும் தரைமட்டமானது. இந்த தீ விபத்தில் பட்டாசு தயாரிப்பில் ஈடுபட்டிருந்த 9 பேர் படுகாயம் அடைந்தனர்.
இது குறித்து தகவல் அறிந்து வந்த சூரமங்கலம் தீயணைப்பு நிலைய அலுவலர் சிராஜ் அல்வனிஷ் தலைமையிலான தீயணைப்பு வீரர்கள் சம்பவ இடத்திற்கு விரைந்து, தீயை அணைக்கும் பணியில் ஈடுபட்டனர். இதனிடையே வெடி விபத்தில் பட்டாசு கிடங்கு உரிமையாளர் கந்தசாமியின் மகன் சதீஷ்குமார் (35), நடேசன் (50) மற்றும் அடையாளம் தெரியாத பெண் உள்ளிட்ட 3 பேர் சம்பவ இடத்திலேயே உடல் கருகி உயிரிழந்தனர.
இதனைத் தொடர்ந்து வெடி விபத்தில் காயம் அடைந்த எம்.கொல்லப்பட்டியைச் சேர்ந்த ப.வசந்தா (45), வ.மோகனா (38), மணிமேகலை (36), வெ.மகேஸ்வரி (32), அ.பிரபாகரன் (31) மற்றும் மோ.பிருந்தா (28) ஆகிய 6 பேர் தீக்காயங்களுடன் மீட்கப்பட்டு சேலம் அரசு மருத்துவமனையில் சிகிச்சைக்காக அனுமதிக்கப்பட்டனர். அங்கு அவர்களுக்கு தீவிர சிகிச்சை அளிக்கப்பட்டு வருகிறது.
இது குறித்து தகவல் அறிந்து வந்த மாநகர காவல் ஆணையர் பா.விஜயகுமாரி, துணை ஆணையர் எஸ்.பி.லாவண்யா உள்ளிட்ட அதிகாரிகள் சம்பவ இடத்திற்கு நேரில் வந்து பார்வையிட்டு ஆய்வு செய்தனர். மேலும், வெடி விபத்து எப்படி ஏற்பட்டது என்பது குறித்து காவல் துறையினர் தீவிர விசாரணை நடத்தி வருகின்றனர்.
பட்டாசு கிடங்கு வெடி விபத்தில் இறந்தவர்களுக்கு இரங்கலைத் தெரிவித்த தமிழ்நாடு முதலமைச்சர் மு.க.ஸ்டாலின், உயிரிழந்தவர்களின் குடும்பத்தினருக்கு தலா 3 லட்சம் ரூபாயும், காயம் அடைந்து மருத்துவமனையில் சிகிச்சை பெற்று வரும் 6 பேருக்கு தலா 50 ஆயிரம் ரூபாயும் முதலமைச்சரின் பொது நிவாரண நிதியில் இருந்து வழங்க உத்தரவிட்டுள்ளார்.
-
சேலம், சர்க்கார் கொல்லப்பட்டி பகுதியில் பட்டாசு குடோனில் ஏற்பட்ட பெரும் தீ விபத்தில் அங்கு பணி செய்த 8பேரில்
— Edappadi K Palaniswami (@EPSTamilNadu) June 2, 2023 " class="align-text-top noRightClick twitterSection" data="
4பேர் உயிரிழந்துள்ளனர் என்ற செய்தியறிந்து மிகுந்த மனவேதனை அடைந்தேன், மேலும் 4 பேர் கவலைக் கிடமான நிலையில் சேலம் அரசு மருத்துவமனையில் அவசர சிகிச்சை பிரிவில்…
">சேலம், சர்க்கார் கொல்லப்பட்டி பகுதியில் பட்டாசு குடோனில் ஏற்பட்ட பெரும் தீ விபத்தில் அங்கு பணி செய்த 8பேரில்
— Edappadi K Palaniswami (@EPSTamilNadu) June 2, 2023
4பேர் உயிரிழந்துள்ளனர் என்ற செய்தியறிந்து மிகுந்த மனவேதனை அடைந்தேன், மேலும் 4 பேர் கவலைக் கிடமான நிலையில் சேலம் அரசு மருத்துவமனையில் அவசர சிகிச்சை பிரிவில்…சேலம், சர்க்கார் கொல்லப்பட்டி பகுதியில் பட்டாசு குடோனில் ஏற்பட்ட பெரும் தீ விபத்தில் அங்கு பணி செய்த 8பேரில்
— Edappadi K Palaniswami (@EPSTamilNadu) June 2, 2023
4பேர் உயிரிழந்துள்ளனர் என்ற செய்தியறிந்து மிகுந்த மனவேதனை அடைந்தேன், மேலும் 4 பேர் கவலைக் கிடமான நிலையில் சேலம் அரசு மருத்துவமனையில் அவசர சிகிச்சை பிரிவில்…
மேலும் இந்த விபத்து குறித்து, சட்டமன்ற எதிர்கட்சித் தலைவரும், அதிமுக பொதுச் செயலாளருமான எடப்பாடி பழனிசாமி வெளியிட்டுள்ள ட்விட்டர் பதிவில், உயிரிழந்தவர்களின் குடும்பங்களுக்கு ஆழ்ந்த இரங்கலை தெரிவித்துள்ளார். மேலும் அரசு பட்டாசு தொழிற்சாலைகள், குடோன்கள் அரசு நிர்ணயித்த விதிகளை உரிய முறையில் பின்பற்றுகின்றனவா என்பதை தொடர்ச்சியாக கண்காணித்து நடவடிக்கை எடுக்குமாறு தமிழ்நாடு அரசிற்கு கோரிக்கை விடுத்துள்ளார்.
இதையும் படிங்க: நீரில் மூழ்கி உயிரிழந்த 2 சிறுவர்களது குடும்பத்துக்கு தலா ரூ.2 லட்சம் நிதியுதவி - முதலமைச்சர் அறிவிப்பு!
