நள்ளிரவில் பைக்குகளுக்கு தீ வைக்கும் மர்ம நபர்கள்!

சேலம்: நள்ளிரவில் வீட்டின் முன் நிறுத்தி வைக்கும் பைக்குகளுக்கு தீ வைக்கும் மர்ம நபர்களால் அப்பகுதி மக்கள் அச்சமடைந்துள்ளனர்.

சேலம் மாவட்டம் நெத்திமேடு பகுதியில் உள்ள ஆண்டிகவுண்டர் காலனி குடியிருப்பு பகுதியில் நிறுத்தபட்டிருந்த 5 இருசக்கர வாகனங்களுக்கு நேற்று நள்ளிரவில் மர்ம நபர்கள் தீ வைத்துள்ளனர். இதில் வாகனங்கள் அனைத்தும் கருகி சேதமடைந்தன. இதனைக்கண்ட வாகன உரிமையாளர்கள் மற்றும் அக்கம்பக்கத்தினர் அதிர்ச்சி அடைந்து காவல்துறைக்கு தகவல் அளித்தனர்.

இதேபோல் எஸ்.கே கார்டன் குடியிருப்பு பகுதியில் நிறுத்தப்பட்டிருந்த 3 வாகனங்களுக்கும் மர்ம நபர்கள் தீ வைத்ததில் வாகனங்கள் அனைத்தும் தீயில் முற்றிலும் எரிந்து சேதமடைந்தன. இச்சம்பவம் குறித்து காவல்துறையினருக்கு தகவல் அளிக்கப்பட்டது. நள்ளிரவில் பைக்குகளுக்கு தீ வைக்கும் மர்ம நபர்கள் குறித்து காவல்துறையினர் தீவிர விசாரணை மேற்கொண்டுள்ளனர்.