ராமநாதபுரம் மாவட்டம் திருவாடானை தொகுதி எம்.எல்.ஏ கருணாஸ் தொழில்நுட்பத் துறை அமைச்சர் மணிகண்டன் இடையே கருத்து வேறுபாடு இருந்துவந்தது. இதனால் கருணாஸ் தனக்கு தொகுதியில் பாதுகாப்பு இல்லை என்று கடந்த மூன்று ஆண்டுகளாக தொகுதி பக்கம் வரமால் இருந்தார். இந்நிலையில் இன்று தனது தொகுதியின் தேவைகள் குறித்து ராமநாதபுரம் மாவட்ட ஆட்சித்தலைவர் வீரராகவிடம் பேசினார்.
மாவட்ட ஆட்சியர் வீரராகவிடம் பேசிய கருணாஸ்
என்னால் சமுதாய ரீதியாக எந்த பிரச்னையும் வந்து விடக்கூடாது என்பதற்காகவே இத்தனை நாட்கள் தொகுதி பக்கம் வரமால் இருந்தேன். என் தொகுதியில் யார் தலையீடும் இருக்காது என்று முதல்வர் உறுதியளித்ததையடுத்து மீதமுள்ள இரண்டு ஆண்டுகள் மக்கள் பணி செய்ய இருக்கிறேன் என்றார்
