கரோனா இரண்டாம் அலைக்குப் பிறகு கரோனா தொற்று முற்றிலும் இல்லாத நகராட்சியாக ராமேஸ்வரம் தற்போது உருவெடுத்துள்ளது.
இந்நிலையில், இது குறித்து மகிழ்ச்சி தெரிவித்துப் பேசிய ராமநாதபுரம் நகராட்சி ஆணையர் வீ.ராமர் ”ராமேஸ்வரம் நகராட்சிப் பகுதிகளில் கரோனா தடுப்புப் பணிகளில் நகராட்சி ஊழியா்கள் தொடா்ந்து ஈடுபட்டு வருகின்றனா். இந்நிலையில், ராமேஸ்வரத்துக்கு வரும் பக்தா்களும் சுற்றுலாப் பயணிகளும் நகராட்சி எல்லையில் மருத்துவப் பரிசோதனைகளுக்கு உட்படுத்தப்பட்டு வருகின்றனர்.
தற்போது கரோனா இரண்டாவது அலையில் 241 போ் தொற்றுக்கு உள்ளாகினா். இதில் எட்டு போ் சிகிச்சைப் பலனின்றி உயிரிழந்தனா். மீதுமுள்ள 233 போ் சிகிச்சைப் பெற்று குணமடைந்துள்ளனா்.
தற்போது கொரானா தொற்று இல்லாத நகராட்சியாக ராமேஸ்வரம் மாறியுள்ளது. நகராட்சியில் 18 வயதுக்கு மேற்பட்டவா்கள் 34,906 போ் உள்ளனா். இதில், 9,174 போ் தடுப்பூசி செலுத்திக் கொண்டுள்ளனா்.
மீதமுள்ள அனைவருக்கும் தடுப்பூசி செலுத்தும் பணிகள் விரைந்து மேற்கொள்ளப்பட்டு வருகின்றன. இந்த மாத இறுதிக்குள் 100 விழுக்காடு தடுப்பூசி செலுத்திக்கொண்ட நகராட்சியாக ராமநாதபுரத்தை மாற்ற நடவடிக்கைகள் தீவிரபடுத்தப்பட்டுள்ளன” எனத் தெரிவித்தார்.
இதையும் படிங்க: கொங்குவை குறி வைத்த திமுக
