ராமநாதபுரம் மாவட்டம் முதுகுளத்தூர் பகுதியில் இரண்டாம் கட்டமாக வரும் 30ஆம் தேதி உள்ளாட்சித் தேர்தல் நடைபெறவுள்ளது. இந்நிலையில் தேர்தலையொட்டி புளியங்குடியில் காவல் ஆய்வாளர் சோமசுந்தரம், தனிப்படை காவல் துறையினர் ரோந்து பணியில் ஈடுபட்டிருந்தனா்.
அப்போது புளியங்குடி வழியாக வந்த ஆட்டோவை சோதனை செய்தனா். அதில் தேர்தலில் வாக்காளர்களுக்குக் கொடுப்பதற்காகப் பதுக்கி வைக்கப்பட்டிருந்த 957 மதுபாட்டில்கள் இருந்தது தெரியவந்தது.
இது குறித்து விளங்குளத்தூர் கிராமத்தைச் சேர்ந்த ஆட்டோ ஓட்டுநா் பால்சாமி , அதிமுகவைச் சேர்ந்த முத்துமணி(49) ஆகிய இருவரையும் காவல் துறையினர் கைது செய்து மதுபாட்டில்கள், ஆட்டோவை பறிமுதல் செய்தனா்.
இதையும் படிங்க: மருமகள் கடித்ததில் மாமியாருக்கு தலையில் ஆறு தையல்...
