ராமநாதபுரம் அரசு மருத்துவமனையில் கரோனா வைரஸ் தொற்றால் பாதிக்கப்பட்ட நபர்கள் சிகிச்சைப் பெற்று வருகின்றனர். இவர்களுக்கு மாவட்ட நிர்வாகத்தின் சார்பில் முறையான குடிநீர், முகக்கவசம் உள்ளிட்ட அடிப்படை வசதி செய்து தரவில்லை என கூறி, சில நாள்களுக்கு முன்பாக தனிமைபடுத்தப்பட்ட வார்டுகளில் அனுமதிக்கப்பட்டிருந்தப் பலரும் வெளியே வந்து போராட்டம் நடத்தினர்.
இன்று ராமநாதபுரம் நவாஸ் கனி எம்.பி. உள்ளிட்ட மதச்சார்பற்ற ஜனநாயக முற்போக்கு கூட்டணி கட்சியின் சார்பில் மாவட்ட ஆட்சியர் அலுவலகத்தில் ஆட்சியர் வீரராகவ ராவ் சந்தித்து பாதிக்கப்பட்ட நபர்களுக்கு குடிநீர், முகக்கவசம் உள்ளிட்ட அடிப்படை தேவைகளை உடனே செய்து தர வேண்டும் என மனு அளித்தனர்.
