ராமநாதபுரம் அருகே உள்ள நம்புதாளையில் இருந்து கடந்த 11ஆம் தேதி பால வன்னியன் என்பவருக்கு சொந்தமான நாட்டுப்படகில் சங்கர், நாகூர், கவியரசன், ராசு, செட்டி, தூண்டி ஆகிய 6 மீனவர்கள் மீன்பிடிக்கச் சென்றர். அவர்கள், இலங்கை கடல் எல்லைப் பகுதியில் மீன்பிடித்ததாக கூறி இலங்கை கடற்படையினர் அவர்களை சிறை பிடித்தனர். இதனைத் தொடர்ந்து மீனவர்களை ஊர்க்காவல் துறை நீதிமன்றத்தில் ஆஜர்படுத்தப்பட்டு யாழ்ப்பாணம் சிறையில் அடைத்தனர்.
இந்நிலையில் இன்று மீண்டும் ஊர்க்காவல் துறை நீதிமன்றத்தில் ஆஜர்படுத்தப்பட்டு நீதிபதி, மீனவர்களை விசாரித்த பின்பு மீனவர்கள் இனிமேல் எல்லை தாண்டி வரக்கூடாது என எச்சரிக்கை விடுத்து ஆறு பேரையும் விடுதலை செய்து, வரும் செப்டம்பர் 17ஆம் தேதி படகு குறித்த உரிய ஆவணங்களுடன் நீதிமன்றத்தில் நேரில் ஆஜராக வேண்டும் என உத்தரவிட்டார். மேலும் விடுவிக்கப்பட்ட மீனவர்கள் ஓரிரு நாட்களில் சொந்த ஊர் திரும்ப உள்ளதாக இலங்கை அதிகாரி தெரிவித்துள்ளார்.
