புதுக்கோட்டை மாவட்ட அதிமுக, பாஜக கட்சியினர் கலந்துகொண்ட உள்ளாட்சித் தேர்தல் குறித்த ஆலோசனைக் கூட்டத்தில் சுகாதாரத்துறை அமைச்சர் விஜயபாஸ்கர், பாஜக தேசிய செயலாளர் ஹெச்.ராஜா ஆகியோர் பங்கேற்றனர்.
இதையடுத்து ஹெச்.ராஜா செய்தியாளர்களிடம் பேசுகையில், உள்ளாட்சித் தேர்தலில் அதிமுக - பாஜக கூட்டணி பெரும் வெற்றிபெறும். விக்கிரவாண்டி, நாங்குநேரி தொகுதிகளில் ஏற்பட்ட தோல்வியால் உள்ளாட்சித் தேர்தலை சந்திக்க முடியாமல் திமுக பயத்தில் உள்ளது.
இலங்கை தமிழர்கள் அவர்களின் மண்ணைக் காப்பாற்றுவதற்கான முழு நடவடிக்கையை எடுக்க பிரதமர் மோடியால் தான் முடியும். ப.சிதம்பரத்தின் குற்றச்சாட்டுகளை நான் மதிப்பதேயில்லை. ஊழல் குற்றச்சாட்டால் சிறை சென்று திரும்பியவர் வெட்கித் தலைகுனிய வேண்டும். விரைவில் சிதம்பரத்தின் குடும்பமே சிறைக்கு செல்லும் எனக் கூறினார்.
இதையும் படிங்க: 'வீழ்வேனென்று நினைத்தாயோ, ஒரு நாளும் நாங்கள் வீழமாட்டோம்' - சிதம்பரம் சூளுரை
