பெற்ற மகளுக்கு தந்தை பாலியல் தொல்லை

புதுக்கோட்டை : தந்தையே தனக்கு பாலியல் தொல்லைக் கொடுப்பதாக மகள் மாவட்ட எஸ்பியிடம் புகார் அளித்த சம்பவம் பரபரப்பை ஏற்படுத்தியுள்ளது.

தம்பதி புகார்

Published : Mar 19, 2019, 10:44 PM IST

புதுக்கோட்டை மாவட்ட காவல் கண்காணிப்பாளர் அலுவலகத்திற்கு இளம்பெண் ஒருவர் தனது கணவருடன் புகார் அளிக்க வந்தார். புகார் அளிக்க வந்த இளம்பெண்ணிடம் செய்தியாளர்கள் விசாரித்தபோது, அவர் கூறியதாவது, எனது பெயர் பாலமணி. நான் பிறந்தது திருமயம் தாலுகாவில் உள்ள காணப்பூர் ஆகும். எனது தந்தை பாண்டிமுத்துவும், தனித்தனியே பிரிந்து வாழ்ந்து வருகிறார்கள். எனக்கு பானுமதி, பாக்கியலெட்சுமி என இரு சகோதரிகள் உள்ளனர். நான் பத்தாம் வகுப்புவரை படித்திருக்கிறேன்.

புகார் மனு

இந்நிலையில் கடந்த மூன்றாண்டுகளாக சென்னையில் வீட்டு வேலை செய்து வந்தேன். இந்த மாதம் முதல் வாரத்தில் சென்னை வந்த எனது தந்தை கிராமத்துக் கோவிலுக்கு பால்குடம் எடுக்க வேண்டும் எனக்கூறி அழைத்து வந்தார்.

இதையடுத்து வீட்டுக்கு அழைத்து வந்த நாள் முதல் எனது தந்தை என்னை வீட்டுக்குள் அடைத்து வைத்து, எனது உடலின் பல இடங்களில் தொட்டு பாலியல் தொல்லை கொடுத்ததோடு மட்டுமல்லாமல் அவரது ஆசைக்கு இணங்குமாறு வற்புறுத்தினார். நான் மறுத்ததால் என்னை வீட்டை விட்டு வெளியில் விடவில்லை. பிறகு நான் சம்மதிக்கிறேன் என்று கூறியதால், வீட்டை விட்டு வெளியே விட்டார். பின்னர் அவரிடம் இருந்து தப்பி வந்து மலுக்கன்பட்டியில் உள்ள அக்காவீட்டிற்கு சென்றேன்.

அப்போது அங்கு எனக்கு ஆறுதலாக இருந்தவர் மலுக்கன்பட்டியைச் சேர்ந்த நாகராஜன் என்பவரது மகன் பாண்டியன். எனது துன்பத்தைக் கேட்டு விட்டு என்னைத் திருமணம் செய்து கொள்வதாகச் சொன்னதால் கடந்த 17ம் தேதியன்று திருவப்பூர் மாரியம்மன் கோவிலில் வைத்து திருமணமும் செய்து கொண்டோம்.

அதைக் கேள்விப்பட்ட என் தந்தை பாண்டிமுத்து எங்கள் இருவரையும் கொலை செய்து விடுவதாக மிரட்டுகிறார். இதற்கு பயந்து தான் எஸ்பி அலுவலகத்தில் புகார் கொடுக்க வந்தோம் என்றார். பெற்ற மகளுக்கு தந்தையே பாலியல் தொல்லை கொடுத்து வந்ததும் அதைத் தைரியமாக நடவடிக்கை எடுக்க மகள் காவல் நிலையத்தை நாடியதும் அந்த பகுதியில் பரபரப்பை ஏற்படுத்தி உள்ளது.

புகார் மனு

புதுக்கோட்டை அருகே மகளை பாலியல் துன்பம் கொடுத்து வந்த தந்தை மீது எஸ்பியிடம் மகள் புகார்...

புதுக்கோட்டை அருகே பெற்ற மகளுக்கு பாலியல் துன்பம் கொடுத்து வந்த தந்தையின் மீது மகள் புகார் கொடுத்துள்ளார்.

நேற்று பகலில் புதுக்கோட்டை மாவட்ட காவல் கண்காணிப்பாளர் அலுவலகத்திற்கு பாலாமணி என்ற இளம்பெண்ணும் அவரது கணவர் பாண்டியனும் புகார் கொடுக்க வந்திருந்தனர். அவர்கள் புகாரைக் கொடுத்து விட்டு விசாரணைக்காகக் காத்திருந்தனர்.

அப்போது அவர்கள் கொடுத்த புகார் குறித்து தெரிவிக்கும்போது… நான் பிறந்தது திருமயம் தாலுகாவில் உள்ள காணப்பூர் ஆகும். எனது தந்தை பாண்டிமுத்துவும் எனது தாயாரும் தனித்தனியே பிரிந்து வாழ்ந்து வருகிறார்கள். எனக்கு பானுமதி, பாக்கியலெட்சுமி என இரு அக்காள்கள் இருக்கிறார்கள். எனது தந்தையின் நடத்தை சரியில்லாததால் அவர்கள் இருவரும் இளம் வயதிலேயே காதல் திருமணம் செய்து கொண்டு போய் விட்டார்கள். இப்போது அவர்கள் கணவர்களின் வீட்டில் வசித்து வருகிறார்கள். நான் பத்தாம் வகுப்புவரை படித்திருக்கிறேன்.

இந்நிலையில் என்னை எனது அக்கா சென்னையில் வீட்டு வேலைக்குச் சேர்த்து விட்டிருந்தாள். அங்கு கடந்த மூன்றாண்டுகளாக வீட்டு வேலை செய்து வந்தேன்.

இந்த மாதம் முதல் வாரத்தில் என் தந்தை என்னைத் தேடி வந்து எங்கள் கிராமத்துக் கோவிலுக்கு பால்குடம் எடுக்க வேண்டும் என்று சொல்லி விரதம் இருக்க வேண்டும் என்று அழைத்து வந்தார்.

வீட்டுக்கு அழைத்து வந்த நாள் முதலாக என்னை வீட்டுக்குள் அடைத்து வைத்து எனது உடலின் பல இடங்களிலும் தொட்டு பாலியல் தொல்லை கொடுத்ததோடு அவரது ஆசைக்கு இணங்குமாறும் எனக்கு திருமணம் நடக்கும்வரை அவருடன் இருக்க வேண்டும் என்றும் சொல்லி தொல்லை கொடுத்தார். நான் மறுத்ததால் என்னை வீட்டை விட்டு வெளியில் விடவில்லை.

நான் சம்மதிக்கிறேன் என்று சொல்லி வீட்டை விட்டு வெளியில் வந்து மலுக்கன்பட்டியில் உள்ள என் அக்காவிற்கு போன் செய்து வரச்சொல்லி என்னை அங்கிருந்து அழைத்துச் செல்லச் சொன்னவுடன் அழைத்துச் சென்றார். அப்போது அங்கு எனக்கு ஆறுதலாக இருந்தவர் மலுக்கன்பட்டியைச் சேர்ந்த நாகராஜன் என்பவரது மகன் பாண்டியன். எனது துன்பத்தைக் கேட்டு விட்டு என்னைத் திருமணம் செய்து கொள்வதாகச் சொன்னதால் கடந்த 17.3.2019 அன்று திருவப்பூர் மாரியம்மன் கோவிலில் வைத்து திருமணமும் செய்து கொண்டோம்.

அதைக் கேள்விப் பட்ட என் தந்தை பாண்டிமுத்து எங்கள் இருவரையும் கொலை செய்து விடுவதாக மிரட்டுகிறார். எனது துன்பம் வெளியில் தெரிந்தபோதுதான் மற்ற விசயங்களும் எனக்குத் தெரிய வந்திருக்கிறது. அதாவது 2010-ஆம் ஆண்டில் எனது மூத்த அக்காவிடம் என் தந்தை தவறாக நடக்க முயன்றதும் என் அக்கா திருமயம் காவல் நிலையத்தில் புகார் கொடுத்ததும் அப்போது அழைத்துக் கண்டித்து அனுப்பி வைத்ததும் தெரிய வந்திருக்கிறது. அதனால்தான் அவர்கள் என் தந்தையின் பாலியல் தொல்லையில் இருந்து தப்பிக்க வேறு நபர்களைத் திருமணம் செய்து கொண்டு போயிருக்கிறார்கள் என்பது தெரிய வந்ததால் மிகவும் வேதனையாக இருக்கிறது.

மேலும் இதை இப்படியே விட்டு வைத்தால் அவரால் எங்களுக்கும் வேறு சில இளம் பெண்களுக்கும் பாலியல் தொல்லை வரும் என்பதால்தான் புகார் கொடுத்துள்ளோம் என்றார். பெற்ற மகளுக்கு தந்தையே பாலியல் தொல்லை கொடுத்து வந்ததும் அதைத் தைரியமாக நடவடிக்கை எடுக்க மகள் காவல் நிலையத்தை நாடியதும் பரபரப்பை ஏற்படுத்தி உள்ளது.

For All Latest Updates