புதுக்கோட்டையில் மாநில சுகாதாரத் துறை அமைச்சர் விஜயபாஸ்கர் செய்தியாளர்களை சந்தித்து பேசினார். அப்போது அவர் கூறியதாவது, "தமிழ்நாட்டில் பறவை காய்ச்சல் இல்லை, பொதுமக்கள் அச்சம் கொள்ள வேண்டாம். கரோனா தடுப்பு மருந்து தமிழ்நாட்டிற்கு வந்து விட்ட நிலையில் அரசு அறிவித்த விதிமுறைகளை பின்பற்றி பொதுமக்கள் நடந்தால் விரைவில் தமிழ்நாடு கரோனா இல்லாத மாநிலமாக உருவாகும்.
புதுக்கோட்டை மாவட்டத்தில் தொடர் மழை காரணமாக 50 ஆயிரம் ஏக்கர் பரப்பளவிலான நெற்பயிர் சேதமடைந்துள்ளது. இதற்கான இழப்பீடு பெற்றுத் தரப்படும். புதுக்கோட்டை மாவட்டத்தில் ஜன.17ஆம் தேதி நடைபெறவிருந்த ஜல்லிக்கட்டு போட்டி தொடர் மழை காரணமாக தேதி குறிப்பிடாமல் ஒத்தி வைக்கப்பட்டுள்ளது.
சுகாதாரத் துறை அமைச்சர் விஜயபாஸ்கர் செய்தியாளர் சந்திப்பு
