தமிழ்நாட்டில் 38 தொகுதிகளுக்கான மக்களவைத் தேர்தல், 18 தொகுதிகளுக்கான சட்டப்பேரவை இடைத்தேர்தல் கடந்த ஏப்ரல் 18ஆம் தேதியும், மே 19ஆம் தேதி நான்கு சட்டப்பேரவை தொகுதிகளுக்கான இடைத்தேர்தலும் நடைபெற்றது. இதற்கான வாக்கு எண்ணிக்கை மே23ஆம் தேதி நடைபெறவுள்ளது.
பாதுகாப்பு வேலிகள் அமைக்கும் பணி தீவிரம்
இந்நிலையில், பெரம்பலூர் மக்களவைத் தொகுதிக்கான வாக்கு எண்ணிக்கை திருச்சி துறையூர் சாலையில் உள்ள தனலட்சுமி சீனிவாசன் கல்லூரியில் எண்ணப்படவுள்ளது.
வாக்கு எண்ணிக்கைக்கு மே 23ஆம் தேதி நடைபெற உள்ள நிலையில், பாதுகாப்பு மூங்கில் வேலி அமைக்கும் பணி தீவிரமாக நடைபெற்றுவருகிறது. மேலும், கல்லூரி வளாகத்தில் பாதுகாப்பு மூங்கில் வேலிகள் அமைக்கும் பணியில் தொழிலாளர்கள் தீவிரமாக ஈடுபட்டுள்ளனர்.
