மே 1 தொழிலாளர் தினம் இன்று உலக முழுவதும் கொண்டாடப்பட்டு வருகிறது. இந்நிலையில் பெரம்பலூரில் இந்திய தொழிலாளர்கள் மக்கள் முன்னேற்ற கழகம் தமிழ்நாடு கட்டுமான அமைப்பு சாரா தொழிலாளர் மக்கள் முன்னேற்ற சங்கம் இணைந்து தொழிலாளர்கள் தின பேரணி நடத்தினர்.
இதில் பெரம்பலூர் பழைய பேருந்து நிலையம் அருகில் உள்ள பெரியார் சிலைக்கு மாலை அணிவித்த பின் தொழிலாளர் தின பேரணி தொடங்கியது. இந்த பேரணியானது காமராஜர் வளைவு, சங்கு பேட்டை, வெங்கடேசபுரம் உள்ளிட்ட முக்கிய வீதிகள் வழியாக சென்றது.
இதில் தொழிலாளர் பாதுகாப்பு சட்டங்களை நடைமுறைப்படுத்துதல், கல்குவாரிகளில் கல்லுடைக்கும் தொழிலாளர்களுக்கு தனி நல வாரியம் அமைத்திட வலியுறுத்தல், கட்டுமான தொழிலாளர்கள் பணியில் பாதுகாப்பை உறுதி செய்திட நலவாரியங்களில் பதிவு செய்யும் தொழிலாளர்களுக்கு ஏதேனும் விபத்து நேரிட்டால் ஒரே முறையில் விபத்து நிதி வழங்கிட வேண்டும் உள்ளிட்ட பல்வேறு கோரிக்கைகளை வலியுறுத்தி தொழிலாளர்கள் பேரணி நடைபெற்றது
