பெரம்பலூர் மாவட்டத்தில், நிவர் புயலால் பாதிக்கப்பட்டுள்ள பகுதிகளை ஆய்வு செய்ய சரக காவல்துறை துணைத் தலைவர் ஆனி விஜயா, வாகனத்தில் வந்து கொண்டிருந்தார். அப்போது, பாலக்கரையில் இருந்து இருசக்கர வாகனத்தில் சென்று கொண்டிருந்த இரண்டு பெண்கள், தவறி கீழே விழுந்தனர்.
இதைக்கண்ட ஆனி விஜயா, தான் சென்று கொண்டிருந்த வாகனத்தை நிறுத்தி கீழே விழுந்த பெண்களை மீட்டு, மருத்துவமனைக்கு அழைத்துச் செல்ல காவல் துறையினருக்கு உத்தரவிட்டார்.
அதன் பின்னர் விபத்துக்குள்ளான அந்த பெண்களை போக்குவரத்து காவல் ஆய்வாளர் கோபிநாத், பெரம்பலூர் அரசு மருத்துவமனைக்கு அழைத்துச் சென்று சிகிச்சைக்கு உட்படுத்தினார். அதன்பிறகு, இருவரையும் பத்திரமாக வீட்டுக்கு அனுப்பிவைத்தார்.
இதையும் படிங்க:பெண் சிசுக் கொலையை தடுக்க புதிய செயலி - மதுரை சரக டிஐஜி ஆனி விஜயா சிறப்பு பேட்டி
