சர்வதேச புற்றுநோய் தின விழிப்புணா்வு பேரணி - ஆட்சியர் தொடங்கி வைப்பு

நாமக்கல்: சர்வதேச புற்றுநோய் தினத்தை முன்னிட்டு நடத்தப்பட்ட பேரணியை மாவட்ட ஆட்சியர் மெகராஜ்  கொடியசைத்து தொடங்கி வைத்தார்.

உலகம் முழுவதும் பிப்ரவரி 4ஆம் தேதி சர்வதேச புற்றுநோய் தினமாகக் கடைப்பிடிக்கப்பட்டு வருகிறது. அதனை நினைவுறுத்தும் வகையில் புற்றுநோய் விழிப்புணர்வு குறித்து நாமக்கல் மாவட்ட அரசு மருத்துவக்கல்லூரி, மருத்துவமனையில் விழிப்புணர்வு பேரணி நடைபெற்றது.

இந்தப் பேரணியை மாவட்ட ஆட்சியர் மெகராஜ் கொடியசைத்து தொடங்கி வைத்தார். நாமக்கல் மாவட்ட அரசு மருத்துவக் கல்லூரி மருத்துவமனையில் தொடங்கி இப்பேரணி நகரின் முக்கிய சாலைகள் வழியாகச் சென்று மீண்டும் அரசு மருத்துவமனைக்கு வந்தடைந்தது.

அதில் மாணவ, மாணவிகள் விழிப்புணர்வு வாசகங்கள் அடங்கிய பதாகைகளுடன் அணிவகுத்துச் சென்றனர். பேரணியில் 200க்கும் மேற்பட்ட தனியார் செவிலியர் மாணவ, மாணவிகள் கலந்து கொண்டனர்.

இதையும் படிங்க: கொலை செய்துவிட்டு பொங்கல் கொண்டாடிய தொழிலாளி கைது...