தனியார் பள்ளி பேருந்து மோதி மூவர் படுகாயம் - போலீசார் விசாரணை

நாமக்கல்: அருகே பள்ளி பேருந்து மோதியதில் மூன்று பேர் படுகாயம் அடைந்த சம்பவம் அப்பகுதியில் பெரும் பரபரப்பை ஏற்படுத்தியது.

நாமக்கல் மாவட்டம் பொட்டிரெட்டிப்பட்டியைச் சேர்ந்த மோகன்(40), சோளமுத்து(46), ரவி(40) ஆகிய மூவரும் இருச்சக்கர வாகனத்தில் சென்று கொண்டிருந்தனர். அப்போது, எதிரே வந்த தனியார் பள்ளி பேருந்து, இருசக்கர வாகனம் மீது மோதியதில், மோகன், சோளமுத்து, ரவி ஆகிய மூவரும் படுகாயமடைந்தனர். இதனையடுத்து அப்பகுதி மக்கள் மூவரையும் மீட்டு, நாமக்கல் தலைமை அரசு மருத்துவமனைக்கு அனுப்பி வைத்தனர்.

இதில் ரவி, சோளமுத்துவிற்கு லேசான காயங்கள் மட்டும் ஏற்பட்டது. மோகன் என்பவருக்கு தலையில் பலமாக காயம் ஏற்பட்டதால், அவர் மேல் சிகிச்சைக்காக நாமக்கல் தனியார் மருத்துவமனையில் அனுமதிக்கப்பட்டுள்ளார்.

இந்த சம்பவம் குறித்து எருமப்பட்டி காவல்துறையினர் வழக்குப் பதிவு செய்து விசாரணை நடத்தி வருகின்றனர்.