நாமக்கல்லில் தேசிய முட்டை ஒருங்கிணைப்புக் குழு கூட்டம் இன்று (ஆக. 29) நடைபெற்றது. இதில் முட்டை ஒன்றின் கொள்முதல் விலை மூன்று ரூபாய் 75 காசுகளில் இருந்து 15 காசுகள் உயர்த்தி மூன்று ரூபாய் 90 காசுகளாக விலை நிர்ணயம் செய்யப்பட்டது.
கடந்த 27ஆம் தேதி முட்டை ஒன்றின் கொள்முதல் விலை மூன்று ரூபாய் 65 காசுகளில் இருந்து 10 காசுகள் உயர்த்தப்பட்டு மூன்று ரூபாய் 75 காசுகளுக்கு விற்பனை செய்யப்பட்டது. இந்நிலையில் இன்று, மீண்டும் 15 காசுகள் விலை உயர்த்தப்பட்டு மூன்று ரூபாய் 90 காசுகளுக்கு முட்டைகளை விற்பனை செய்ய விலை நிர்ணயம் செய்யப்பட்டது.
கடந்த மூன்று நாட்களில் 25 காசுகள் விலை உயர்த்தப்பட்டுள்ளது குறித்து கோழிப் பண்ணையாளர்கள் கூறும்போது, ”தமிழ்நாடு முழுவதும் ஊரடங்கில் சில தளர்வு செய்யப்பட்டதைத் தொடர்ந்து, முட்டை விற்பனை உயர்ந்து தேவை அதிகரித்துள்ளது. கேரளாவிலும் முட்டை விற்பனை உயர்ந்துள்ளதால் விலை உயர்ந்துள்ளது. இவ்விலை புரட்டாசி மாதம் வரை உயர வாய்ப்புள்ளது” எனத் தெரிவித்தனர்.
