தமிழ்நாட்டில் முட்டை விலை சரிவு!

நாமக்கல்: தேசிய முட்டை ஒருங்கிணைப்புக் குழு கூட்டத்தில் முட்டை ஒன்றின் கொள்முதல் விலை ரூ 3.35 என நிர்ணயம் செய்யப்பட்டுள்ளது.

Published : Apr 22, 2019, 5:37 PM IST

கடந்த ஏப்ரல் 20 ஆம் தேதி முட்டை விலை ரூ 3.65 என இருந்தது. தற்போது தேசிய முட்டை ஒருங்கிணைப்புக் குழு கூட்டத்தில் முட்டையின் கொள்முதல் விலை ரூ 3.35 என நிர்ணயம் செய்யப்பட்டுள்ளது.

இரண்டே நாள்களில் முட்டையின் கொள்முதல் விலை 30 காசுகள் சரிவைச் சந்தித்திருப்பது கோழிப் பண்ணையாளர்களிடம் வேதனையை ஏற்படுத்தியுள்ளது.

முட்டை விலை சரிவு குறித்து கோழிப்பண்ணையாளர்கள் கூறுகையில், "வெயிலின் கடுமையான தாக்கத்தால் முட்டை நுகர்வு குறைந்து விலை வேகமாக சரிவடைகிறது.

தமிழ்நாட்டில் உள்ள பள்ளிகளுக்கு தேர்வுகள் முடிவடைந்து விடுமுறை விடப்பட்டுள்ளதால் சத்துணவுக்கு முட்டை அனுப்புவது முற்றிலும் நிறுத்தப்பட்டுள்ளது. இதனைால் தமிழ்நாட்டில் முட்டை தேக்கம் ஏற்பட்டுள்ளது. இதனால் முட்டை விற்பனை சரிவை சந்தித்துள்ளது" என தெரிவித்தனர்.

நாமக்கல்லில் நடைபெற்ற தேசிய முட்டை ஒருங்கிணைப்பு குழு கூட்டத்தில் முட்டை ஒன்றின் கொள்முதல் விலையை 3 ரூபாய் 50 காசுகளில் இருந்து இன்று ஒரே நாளில் 15 காசுகள் குறைத்து 3 ரூபாய் 35 காசுகளாக விலை நிர்ணயம் செய்யப்பட்டது.

கடந்த 20 தேதி 365 காசுகளில் இருந்த முட்டை விலை ஒரே நாளில் 15 காசுகள் குறைந்த நிலையில் இன்றும் ஒரே நாளில் மேலும் 15 காசுகளும் விலை குறைந்து 3 ரூபாய் 35 காசுகளானது. கடுமையான விலை சரிவு குறித்து கோழிப் பண்ணையாளர்கள் கூறும் போது வெயிலால முட்டை நுகர்வு குறைந்து வட மாநிலங்களில் முட்டை விற்பனை கடுமையாக வீழ்ச்சி அடைந்ததால் விலை வேகமாக சரிவதாகவும், தற்போது பள்ளிகளில் தேர்வுகள் முடிவடைந்து விடுமுறை விடப்பட்டதால் சத்துணவுக்கு முட்டை அனுப்புவதும் முற்றிலும் நிறுத்தப் பட்டதால், தமிழகத்திலும் அதிகளவு முட்டை தேக்கம் ஏற்பட்டு விற்பனை சரிந்து விலை குறைக்கப் பட்டுள்ளதாகவும், இவ்விலை மேலும் குறைய வாய்ப்புள்ளதாகவும் தெரிவித்தனர்.

For All Latest Updates