நாகை மாவட்டம், மயிலாடுதுறை அருகே மணப்பந்தலில் உள்ள தனியார் கல்லூரியில் மயிலாடுதுறை நாடாளுமன்றத் தொகுதியில் பதிவான வாக்கு பெட்டிகள் வைக்கப்பட்டுள்ளன. இந்த அறைக்கு நான்கு அடுக்கு பாதுகாப்பு அளிக்கப்பட்டுள்ளது. இந்நிலையில் இந்த பாதுகாப்பு அறையை மாவட்ட ஆட்சியர் சுரேஷ்குமார், மாவட்ட காவல் கண்காணிப்பாளர் ஆகியோர் ஆய்வு செய்தனர்.
பின்னர் அவர் செய்தியாளர்களை சந்தித்து கூறியதாவது, வாக்கு இயந்திரம் வைக்கப்பட்டுள்ள பாதுகாப்பு அறைக்கு நான்கு அடுக்கு பாதுகாப்பு போடப்பட்டு 24 மணி நேரமும் தொடர்ச்சியாக காவல்துறையினரால் கண்காணிக்கப்பட்டுவருகிறது. இந்த பகுதியை அரசியல் கட்சி நிர்வாகிகளும் மற்றும் வேட்பாளர்களை சார்ந்தவர்களும் பார்வையிடுவதற்கு அனுமதி தரப்பட்டுள்ளது. மேலும் பாதுகாப்பு அறைகள் கண்காணிப்பு கேமரா மூலம் கண்காணிக்கப்பட்டு வருகிறது. இவ்வாறு அவர் கூறினார்.
