நாகை மாவட்டம், சீர்காழி மதுவிலக்கு அமலாக்கப்பிரிவு காவல் துறையினர் பல்வேறு இடங்களிலிருந்தும் வெளி மாநிலங்களில் இருந்தும் கடத்தி வரப்பட்ட மது பாட்டில்களை பறிமுதல் செய்து வழக்குப்பதிவு செய்திருந்தனர்.
இதுவரை பறிமுதல் செய்யப்பட்ட வெளிமாநில மதுபானங்களை சென்னை உயர் நீதிமன்ற மதுரைக் கிளை வழிகாட்டுதலோடு, சீர்காழி குற்றவியல் நீதித்துறை நடுவர் தரணிதரன் முன்னிலையில் அழிக்க உத்தரவிடப்பட்டிருந்தது.
இதையடுத்து, சீர்காழி மதுவிலக்கு அமலாக்கப் பிரிவு காவல் ஆய்வாளர் முன்னிலையில் 10 ஆயிரத்துக்கும் மேற்பட்ட வெளிமாநில மதுபானங்களை, மதுவிலக்கு அமலாக்க காவல் துறையினர் மண்ணெண்ணெய் ஊற்றி அழித்தனர்.
இதையும் படிங்க... ஓய்வுபெற்ற டிஎஸ்பி காரில் மதுக் கடத்தல்: சினிமா தயாரிப்பாளர் கைது!
