குடியுரிமை திருத்தச் சட்டத்தைக் கண்டித்தும் அதனை திரும்பப் பெறக் கோரியும் நாகை மாவட்டம் மயிலாடுதுறையில் உள்ள செம்மங்குளத்தில் அனைத்து இஸ்லாமிய அமைப்பினர் பேரணியாகச் சென்றனர்.
பேரணியில் 645 அடி நீளமுள்ள தேசிய கொடியை தலைக்குமேல் உயர்த்திப் பிடித்தவாறும், கறுப்பு நிற பலூன்களை கைகளில் ஏந்தியும் மத்திய அரசிற்கு எதிராக முழக்கமிட்டவாறு சென்றனர்.
தேசிய கொடி ஏந்தி இஸ்லாமியர்கள் பேரணி
நகரின் முக்கிய வீதிகளின் வழியாக சென்ற இப்பேரணி சின்னக்கடை வீதியில் முடிவடைந்தது. பின்னர் அங்கு அவர்கள் ஆர்ப்பாட்டத்திலும் ஈடுபட்டனர். இதில், ஆயிரத்துக்கும் மேற்பட்ட இஸ்லாமியர்கள் கலந்துகொண்டனர். பேரணியை முன்னிட்டு ஏராளமான காவல் துறையினர் பாதுகாப்புப் பணியில் ஈடுபட்டனர்.
இதையும் படிங்க: கேரளாவைப் போல தமிழ்நாடு அரசும் சிஏஏவுக்கு எதிராகத் தீர்மானம் நிறைவேற்ற வேண்டும்'
