ஒரு லட்சத்திற்கு மேற்பட்ட விதைப்பந்துகளைத் தயாரித்து கல்லூரி மாணவர்கள் அசத்தல்

நாகை: கஜா புயலால் இழந்த மரங்களை மீட்டெடுக்கும் முயற்சியாக கல்லூரி மாணவர்கள் ஒருங்கிணைந்து ஒரு லட்சத்து 30 ஆயிரம் விதைப்பந்துகளைத் தயார் செய்து அசத்தியுள்ளனர்.

நாகப்பட்டினத்தில் உள்ள தனியார் கல்லூரியில் கடந்த மூன்று தினங்களுக்கு முன் கஜா புயலால் இழந்த மரங்களை மீட்டெடுக்கும் முயற்சியாக விதைப்பந்து தயாரிக்கும் நிகழ்ச்சி நடைபெற்றது.

இந்நிகழ்வில் ஆயிரத்துக்கும் மேற்பட்ட மாணவிகள் கலந்துகொண்டு, ஒரு லட்சத்து 30 ஆயிரம் விதைப்பந்துகள் தயார் செய்தனர். மாட்டுச் சாணம், எரு மண் ஆகியவை கலந்த கலவையில் விதைப்பந்துகள் தயாரிப்பதற்கு, நாட்டுமர விதைகளான பூவரசு, வாகை, சிலவாகை, கருவாகை, ஆணைகுண்டுமணி, இலுப்பை, பரம்பை எனப் பல வகையான விதைகள் பயன்படுத்தப்பட்டன.

அதனைத்தொடர்ந்து, மாணவர்களால் உருவாக்கப்பட்ட ஒரு லட்சத்து 30 ஆயிரம் விதைப்பந்துகளை, நாகை மாவட்ட ஆட்சியர் அலுவலகத்தில் நேற்று மாவட்ட ஆட்சியர் பிரவீன் பி நாயர் மாணவர்களுக்கு வழங்கினார். இந்த விதைப் பந்துகளை நாகை மாவட்டத்தில் உள்ள குளக்கரை, ஆற்றங்கரை, ஏரிக்கரை உள்ளிட்ட பல இடங்களில் மாணவர்கள் வீசினர்.

இதையும் படிங்க:நீர்வரத்தின்றி காணப்படும் முல்லைப் பெரியாறு அணை: குடிநீர் தட்டுப்பாடு ஏற்படும் அபாயம்!