மதுரை மாவட்டத்தில் பல்வேறு குற்ற வழக்குகளில் தேடப்பட்டு வருபவர் ரௌடி கௌதம். இவர் எல்லீஸ் நகரில் வசித்து வரும் கார்த்திகா என்பவருக்கு நெருங்கிய உறவினராவார். இந்நிலையில், கௌதம், அவரது மனைவி மகேஸ்வரி ஆகியோர் கார்த்திகாவின் வீட்டில் தலைமறைவாக உள்ளதாக காவல் துறையினருக்குத் தகவல் கிடைத்துள்ளது.
இதையடுத்து, இன்று (அக்.09) கார்த்திகாவின் வீட்டில் காவல் துறையினர் அதிரடியாக சோதனை நடத்தினர். இந்த சோதனையின்போது முறையான அனுமதியின்றி வைக்கப்பட்டிருந்த ஏர் கன் துப்பாக்கி, 2 கிலோ கஞ்சா ஆகியவற்றை காவல் துறையினர் கண்டறிந்தனர்.
இதையடுத்து, கார்த்திகாவை காவல் துறையினர் கைது செய்தனர். மேலும், காவல் துறையினரின் வருகையை அறிந்த கௌதம், அவரது மனைவி இருவரும் கார்த்திகாவின் பக்கத்து வீட்டுப் பெண் பிச்சையம்மாள் உதவியுடன் அங்கிருந்து தப்பியோடியுள்ளனர்.
இதனையறிந்த காவல் துறையினர், தப்பியோடிய மூவரையும் வலைவீசி தேடி வருகின்றனர். மேலும், கார்த்திகா வீட்டிலிருந்த துப்பாக்கி, கஞ்சாவை பறிமுதல் செய்த காவல் துறையினர், கார்த்திகாவிடம் விசாரணை நடத்தி வருகின்றனர்.
இதையும் படிங்க: முட்புதரில் கிடந்த துப்பாக்கிகள் - காவல்துறை விசாரணை
