மதுரை பழங்காநத்தத்தில் 300ஆண்டுகளுக்கு முன்னர் கட்டப்பட்ட பழமையான சாவடி ஒன்று உள்ளது. நாளுக்கு நாள் சாலைகளில் உயரம் அதிகமானதையடுத்து சாவடி மண்ணுக்குள் புதையும் நிலை உருவானது. இந்நிலையில், சாவடியைப் பழமை மாறாமல் புதுப்பிக்க முடிவு செய்யப்பட்டு, அப்பகுதி மக்களின் பங்களிப்போடு நவீன தொழில்நுட்பத்தைக் கொண்டு, சாவடியை உயர்த்தும் பணி நடைபெற்று வருகிறது.
இதன் மூலம் தரை மட்டத்திலிருந்து ஆறரை அடிக்கு சாவடி உயர்த்தப்பட்டு வருகின்றது. 10 பேர் கொண்ட குழுவினரால் 200க்கும் மேற்பட்ட ஜாக்கிகளைப் பொருத்தி நடைபெறும் இப்பணிக்கு 25 லட்சம் ரூபாய் செலவு செய்யப்படுகிறது. கடந்த 60 நாட்களாக நடைபெற்று வந்த இந்த பணியானது தற்போது முடிவு பெறும் நிலையில் இருப்பதால், கல் தூண்களின் இடையே பொருத்தப்பட்டிருந்த செங்கற்களை அகற்றும் பணி தற்போது நடைபெற்று வருகிறது.
இந்தப்பணி முடிந்ததும் மேற்கூரையில் உள்ள சிலைகளுக்கு வர்ணம் பூசும் பணிகளும் நடைபெறவுள்ளன. இவைகளெல்லாம் முடிந்த பின்னர் ஜனவரி மாதம் தைப்பொங்கல் அன்று சிறப்பு வழிபாட்டிற்குப் பிறகு, சாவடியானது மக்கள் பயன்பாட்டுக்குக் கொண்டு வரப்பட உள்ளது.
இதையும் படிங்க: கோயில் இடங்களை ஆக்கிரமிப்பு செய்தால் குண்டர் சட்டம் பாயும் - திருதொண்டர்கள் சபை தலைவர்
