மதுரை: தீபாவளி பண்டிகைக்கு இன்னும் சில நாட்களே உள்ள நிலையில், பொதுமக்கள் கடைவீதிகளில் தங்களுக்கு பிடித்தமான ஆடை மற்றும் அணிகலன்களை வாங்குவதற்கு ஆர்வம் காட்டி வருகின்றனர்.
இந்நிலையில் பரபரப்பு மிகுந்த மதுரை நேதாஜி சாலையில் திடீரென நல்ல பாம்பு ஒன்று ஊர்ந்து வந்துள்ளதைக் கண்ட பொதுமக்கள் அங்கிருந்து அலறி அடித்துக் கொண்டு ஓட்டம் பிடித்தனர்.
இதனைத் தொடர்ந்து தீபாவளி பொருட்கள் வாங்க வந்த சிவபாண்டியன் என்பவர் தன்னிடமிருந்த சாக்குப் பையைக் கொண்டு சாலையில் ஊர்ந்து கொண்டிருந்த பாம்பை லாவகமாகப் பிடித்து பையில் அடைத்து எடுத்துச் சென்றார். பாம்பை லாவகமாகப் பிடித்த இளைஞருக்குப் பொதுமக்கள் பாராட்டு தெரிவித்தனர்.
இதனை தொடர்ந்து மக்கள் நடமாட்டம் மிகுந்த சாலையில் பாம்பு வந்ததைக் கண்ட பொதுமக்கள் அலறி அடித்து ஓடிய சம்பவம் அப்பகுதியில் பெரும் பரபரப்பை ஏற்படுத்தியது.
இதையும் படிங்க: பாடத்திட்டத்தில் திருக்குறளை தவிர்ப்பதா? - உயர்நீதிமன்றம் எச்சரிக்கை
