திரைத் துறையில் சிறந்து விளங்கும் நடிகர், நடிகைகள், தொழில்நுட்பக் கலைஞர்கள் உள்ளிட்டோருக்கு ஆண்டுதோறும் மத்திய தகவல் ஒலிபரப்புத் துறை அமைச்சகம் தேசிய விருது வழங்கி கௌரவிக்கிறது. 2019ஆம் ஆண்டிற்கான 67ஆவது தேசிய விருது பட்டியல் மார்ச் 22ஆம் தேதி அறிவிக்கப்பட்டது. இதில் தமிழ்த்திரைப்படத்துறை ஏழு தேசிய விருதுகளை தட்டிச் சென்றுள்ளது. அவற்றில் கேடி என்கிற கருப்புதுரை திரைப்படத்தில் நடித்த நாகவிஷால் சிறந்த குழந்தை நட்சத்திரமாக தேர்வு செய்யப்பட்டுள்ளார்.
மதுரையிலுள்ள மங்கையர்க்கரசி மேல்நிலைப்பள்ளயில் தற்போது 9ஆம் வகுப்பு பயிலும் நாகவிஷால் தொலைபேசி மூலமாக ஈடிவி பாரத் செய்தி தளத்திற்கு அளித்த பேட்டியில், "மதுரையின் வட்டார வழக்குதான் எனக்கு இந்த வெற்றியைத் தேடித் தந்துள்ளது. இதற்காக நான் மிகவும் பெருமை கொள்கிறேன். எனக்கு படங்கள் பார்க்கப் பிடிக்குமே தவிர, நடிக்கப் பிடிக்காது. என்னுடைய அம்மாவின் நண்பர் ஒருவர் என்னை குழந்தை நட்சத்திரமாக அறிமுகம் செய்வதற்கு நடைபெற்ற தேர்வுக்காக குற்றாலம் அழைத்துச் சென்றார்.
தாத்தாவுடன் லூட்டி - கேடி கருப்பத்துரை குழந்தை நட்சத்திரம் நாகவிஷால் மதுரை மண்ணின் மைந்தன் நாகவிஷால் 
