தமிழ்நாட்டில் அரவக்குறிச்சி, திருப்பரங்குன்றம், ஓட்டப்பிடாரம், சூலூர் ஆகிய நான்கு தொகுதிகளுக்கான சட்டப்பேரவை இடைத்தேர்தல் மே 19ஆம் தேதி நடைபெறவுள்ளது. இதற்கான பரப்புரையில் வேட்பாளர்களும், அரசியல் கட்சியினரும் தீவிரமாக இயங்கிவருகின்றனர். இந்நிலையில், திருப்பரங்குன்றம் இடைத்தேர்தலின் திமுக வேட்பாளர் சரவணன் பிரபல மேஜிஷியன் ராஜேஷ் ஃபெர்னாண்டோ மூலம் மேஜிக் ஷோக்கள் நடத்தி மக்களிடையே வாக்குகள் சேகரித்து வருகிறார்.
பிரபல மேஜிஷியன் ராஜேஷ் ஃபெர்ணான்டோ
தனது பரப்புரையில் பல்வேறு மாயாஜால வித்தைகள் செய்யும் ராஜேஷ், ஒவ்வொரு வித்தையிலும் தான் ஆதரித்து வாக்கு சேகரிக்கும் சரவணன் மக்களுக்கு எப்படியெல்லாம் தொண்டு செய்வார் என கூறுவதோடு, அந்த வித்தையில் பொதுமக்களை ஈடுபட வைப்பது மக்களிடையே வரவேற்பை பெற்று வருகிறது.
