கடலூர் மாவட்டம் சேத்தியாத்தோப்பு அருகே உள்ள ஓடக்கநல்லூர் கிராமத்தில் அரசு மதுபான கடை உள்ளது. இந்த கடை குடியரசு தினத்தை முன்னிட்டு நேற்றைய முன்தினம் அடைக்கப்பட்டது.
இந்நிலையில் இந்த கடைக்கு அருகிலுள்ள மளிகைக் கடையில் மது அமோக விற்பனை செய்யப்பட்டது. இதனையறிந்த குடிமகன்கள் மளிகை கடை முன் குவிந்தனர். இந்த வீடியோ தற்போது சமூக வலைதளத்தில் வேகமாக பரவிவருகிறது. ஆனால் இது குறித்து காவல் துறையினர் எந்த நடவடிக்கையும் எடுக்கவில்லை என அப்பகுதி மக்கள் குற்றஞ்சாட்டுகின்றனர்.
இதனால், கண்டும் காணாமல் இருக்கும் காவல் துறை மீது நடவடிக்கை எடுக்கக் கோரி சமூக செயற்பாட்டாளர்கள் கோரிக்கை வைக்கின்றனர். இந்த மளிகைக் கடையில் மதுபான கடை மூடப்படும் நாள் மட்டுமின்றி, காலையிலும் விற்பனை செய்யப்படுவதாக கூறுகின்றனர் இப்பகுதி மக்கள்.
இதையும் படிங்க...பாஜக பிரமுகர் கொலை - கொலையாளிகள் கைது
