தமிழ்நாடு அரசியலில் எளிமைமிக்க அரசியல்வாதியாக திகழ்ந்த கக்கனின் 110 ஆவது பிறந்த தினம் இன்று கொண்டாடப்படுகிறது. இதனை முன்னிட்டு தல்லாகுளம் அருகில் உள்ள அவரது திருவுருவச் சிலைக்கு காலை முதல் பல்வேறு அரசியல் கட்சியினரும், சமூக ஆர்வலர்களும் மாலை அணிவித்து மரியாதை செலுத்தி வருகின்றனர். காங்கிரஸ் கட்சி சார்பாக காமராஜ், செய்யத் பாபு ஆகியோர் தலைமையில் அக்கட்சியின் நிர்வாகிகள், தொண்டர்கள், செயற்குழு உறுப்பினர்கள் உள்ளிட்ட பலர் மாலை அணிவித்து மரியாதை செலுத்தினர். பின்னர் பொதுமக்களுக்கு இனிப்புகள் வழங்கி கொண்டாடினர்.
கக்கன் பிறந்தநாள் விழா
காமராஜரின் ஆட்சிக் காலத்தில் பல்வேறு துறைகளுக்கு அமைச்சராக விளங்கிய கக்கன், காவல்துறை அமைச்சராக இருந்தபோது லஞ்ச ஒழிப்புக் காவல் பிரிவை உருவாக்கி பலவிதமான மாற்றங்களுக்கு வித்திட்டார் என்பது குறிப்பிடத்தக்கது.
