மதுரை: சாலையில் சுற்றித் திரிந்த பசு மீது கொதிக்கும் எண்ணெய்யை ஊற்றிய அடையாளம் தெரியாத நபர்களை காவல்துறையினர் தேடிவருகின்றனர்.
தல்லாகுளம் பகுதியில், சாலையில் சுற்றித் திரிந்த பசு மாட்டின் மீது அடையாளம் தெரியாத நபர்கள் சிலர் கொதிக்கும் எண்ணெய்யை ஊற்றியுள்ளனர். இதில் உடல் முழுவதும் ஏற்பட்ட தீக்காயத்துடன் சாலையில் பசு மாடு சுற்றிவருகிறது.
கடந்த பத்து நாள்களாக, மதுரை ஆனையூர், ஊமச்சிகுளம் பகுதி சாலையில் சுற்றித்திரியும் பசு, காளைகள் மீது எண்ணெய், அமிலம் ஊற்றும் சம்பவம் அதிகரித்து வருகிறது என, அப்பகுதி மக்கள் குற்றம் சாட்டிவருகின்றனர்.
பசு மீது கொதிக்கும் எண்ணெய் ஊற்றியதால் ஏற்பட்ட தீக்காயம்இந்த சம்பவம் தொடர்பாக, பசுவின் உரிமையாளர், தல்லாகுளம் காவல் நிலையத்தில் புகார் அளித்தார். அதன்பேரில் காவல்துறையினர் வழக்குப்பதிவு செய்து, பசு மாட்டின் மீது கொதிக்கும் எண்ணெய்யை ஊற்றிய அடையாள தெரியாத நபர்களைத் தேடி வருகின்றனர்.
இதையும் படிங்க: சிறுமிக்குப் பாலியல் தொல்லை கொடுத்த இளைஞர் போக்சோவில் கைது!
