கரோனா காரணமாக பிறப்பித்த ஊரடங்கில் தற்போது தளர்வுகள் அறிவிக்கப்பட்டுள்ளன. இன்று முதல் குறிப்பிட்ட நான்கு மாவட்டங்கள் தவிர பிற மாவட்டங்களில் பேருந்து சேவை தொடங்கப்பட்டது. இந்நிலையில் மதுரை எம்ஜிஆர் ஒருங்கிணைந்த பேருந்து நிலையத்திலிருந்து பேருந்து சேவை இன்று காலை தொடங்கியது. அதில் முகக்கவசத்துடன் ஏறிய பெண் ஒருவர் சக பயணிகளின் கவனத்தை ஈர்த்தார்.
அவர் தனக்கு அருகில் பெரிய கரடி பொம்மையை அமர வைத்து பயணித்ததே கவன ஈர்ப்புக்கு காரணம். குழந்தைகள்தான் கையில் எப்போதும் பொம்மையை ஏந்தியபடி இருப்பார்கள். ’என்னடா! இது வயசு பொண்னு பொம்மையை தூக்கிட்டு வந்திருக்கா?’ என சக பயணிகள் கிசுகிசுக்க, அந்த பெண்ணோ அலட்டிக்கொள்ளாமல் அமர்ந்திருந்தார்.
இதனிடையே, அந்த பேருந்தில் பயணம் செய்த சக பயணி ஒருவர், ‘உங்களுக்கு மட்டும் முகக்கவசம் போட்டிருக்கீங்க? பொம்மைக்கு எங்க?பாதி வழியில் இறக்கிவிடப் போறாங்க’ என கிண்டலடித்துள்ளார்.
எந்த கிண்டல்களையும் கண்டுகொள்ளாத அப்பெண் கரடி பொம்மையுடன் இனிமையான பயணத்தை மேற்கொண்டார். இந்த புகைப்படம் தற்போது சமூக வலைதளங்களில் பகிரப்படுகிறது.
இதையும் படிங்க: ஈடிவி பாரத் செய்தி எதிரொலி: பார்வையற்ற தாய்க்கு உதவிக்கரம் நீட்டிய அரசு அலுவலர்கள்!
