’டீ குடித்தவர் ஸ்டாலின்... நான் டீ கடையே நடத்தியவன்’ - ஓ.பி.எஸ்

கிருஷ்ணகிரி: டீ கடையில் அமர்ந்து டீ குடித்தவர் ஸ்டாலின் எனவும், ஆனால் தான் டீக்கடையே நடத்தியவன் என்றும் தமிழக துணை முதலமைச்சர் ஓ.பன்னீர்செல்வம் கூறியுள்ளார்.

கிருஷ்ணகிரி மக்களவைத் தொகுதிyஇன்அதிமுகவேட்பாளர் கே.பி.முனுசாமியை ஆதரித்து தமிழக துணை முதலமைச்சர் ஓ.பன்னீர்செல்வம் பரப்புரை மேற்கொண்டார்.

ஓ.பன்னீர்செல்வம்

அப்போது அவர் பேசியதாவது,மக்களவைத் தேர்தலில் நல்லவர்கள் எல்லோரும் ஒன்றிணைந்து ஒரு மெகா, வெற்றி கூட்டணியை அமைத்துள்ளதாகவும். காங்கிரஸ் - திமுக கூட்டணி ஏற்கனவே மத்தியில் ஆட்சி செய்த போது, திமுக சார்பில் 10 அமைச்சர்கள் இருந்தனர். ஆனால், மக்களுக்கான எவ்வித நலத்திட்டங்களையும் செயல்படுத்தவில்லை என்றும், ஜெயலலிதா வழியில் ஆட்சி நடத்தும் தாங்கள் மக்களுக்கு தேவையான நலத்திட்டங்களை செயல்படுத்தி வருவதாகவும் தெரிவித்தார்.

மேலும், 2016ஆம் ஆண்டு சட்டப்பேரவைத் தேர்தலில் தினமும் கலர் கலராக உடையணிந்து மு.க.ஸ்டாலின் டீ கடையில் அமர்ந்து டீ குடித்தார், ஆனால் நான் டீ கடையே நடத்திவன் என்று ஓ.பி.எஸ் பேசினார்.