கரூர் மாவட்டம் லஞ்ச ஒழிப்பு டிஎஸ்பி அண்ணாதுரை தலைமையில் ஆய்வாளர்கள் கீதா, ரேகா, ரூபாராணி, உள்ளிட்ட பத்துக்கும் மேற்பட்ட லஞ்ச ஒழிப்பு காவல் துறையினர் கரூர் வட்டார போக்குவரத்து அலுவலகத்தில் சோதனையில் ஈடுபட்டுள்ளனர்.
இந்த அலுவலகத்தில் லஞ்சம் அதிக அளவில் புழங்குவதாகவும், இடைத்தரகர்கள் அதிக அளவில் லஞ்சம் பெற்றுத்தருவதாகவும் வந்த புகாரின் அடிப்படையில் இந்த சோதனை நடைபெறுவதாகக் கூறப்படுகிறது.
இதனைத் தொடர்ந்து, லஞ்ச ஒழிப்பு அலுவலர்கள் வட்டார போக்குவரத்து அலுவலகத்தின் கதவை உள்ளிருந்து பூட்டி உள்ளே இருந்த 13 இடைத்தரகர்களிடம் சோதனை மேற்கொண்டனர். மேலும் அலுவலர்களிடம் சோதனை நடத்தியதில் லட்சக்கணக்கான கணக்கில் வராத ரொக்கம் பறிமுதல் செய்துள்ளதாகத் தெரிகிறது.
சுமார் மூன்று மணி நேரம் சோதனை நடைபெற்றது. இதனால் அப்பகுதியில் பரபரப்பு ஏற்பட்டுள்ளது.
