கரூர் மாவட்டத்தில் உள்ளாட்சி தேர்தலையொட்டி ஊராட்சி ஒன்றிய அலுவலகங்களில் வேட்பு மனுதாக்கல் செய்யும் நிகழ்ச்சி வெகுவிமர்சையாக நடைபெற்று வருகின்றது.
இந்நிலையில் கிருஷ்ணராயபுரம் வட்டம், முனையனூர் பகுதியில் 5ஆவது வார்டு ஊராட்சி ஒன்றிய கவுன்சிலர் பதவிக்கு சுப்புராஜ் என்கின்ற விவசாயி, ஏர்கலைப்பைகளுடன் நேற்று வேட்பு மனுதாக்கல் செய்தார்.
இதுகுறித்து, செய்தியாளர்களிடம் பேசிய சுப்புராஜ், ‘முன்மாதிரியாக என்னுடைய ஊர் விளங்க வேண்டுமென்று நினைத்துதான் ஏர்கலைப்பையுடன் வேட்பு மனுதாக்கல் செய்ய வந்தேன். மாநில அளவில் என்னுடைய வார்டினை முன் மாதிரியாக மாற்றுவேன். நான் ஜெயிப்பது நிச்சயம். வருகின்ற 2025ஆம் ஆண்டிற்குள் என்னுடைய பகுதியினை விவசாயத்தில் மிகவும் செழிக்க வைப்பதுதான் எனது லட்சியம்’ என்று தெரிவித்துள்ளார்.
இதையும் படிங்க: சீனத் தமிழச்சி நிறைமதியின் மதுரை தமிழ்ப் பயணம்!
