கன்னியாகுமரி மாவட்டம் நாகர்கோவில், அறுகுவிளை பகுதியைச் சேர்ந்தவர் பிரவின் ராஜூ. இவர் வாடகை வேன் ஓட்டுனராக வேலை செய்துவருகிறார். இவருக்கு திருமணமாகி மினி (27) என்ற மனைவியும், ரபிஷா மோல், ரிச்சர்ட் மோனு என்ற குழந்தைகளும் உள்ளனர்.
நவம்பர் 19ஆம் தேதி இரவு தம்பதிக்கிடையே ஏற்பட்ட தகராறு காரணமாக மினி தனது இரண்டு குழந்தைகளுக்கும் விஷம் கொடுத்துவிட்டு தானும் விஷம் குடித்துள்ளார். பிரவின் ராஜூ உடனே மூன்று பேரையும் அழைத்துக்கொண்டு அருகிலுள்ள தனியார் மருத்துவமனைக்கு கொண்டு சென்றுள்ளார்.
பின்னர் மேல் சிகிச்சைக்காக மாவட்ட அரசு மருத்துவக் கல்லூரி மருத்துவமனையில் அனுமதித்துள்ளார். இந்நிலையில் மினி இன்று சிகிச்சை பலனின்றி உயிரிழந்தார்.
மேலும் உயிருக்கு ஆபத்தான நிலையில் 2 குழந்தைகளுக்கும் மருத்துவமனையில் தீவிர சிகிச்சை அளிக்கப்பட்டுவருகிறது. இச்சம்பவம் குறித்து வடசேரி காவல் துறையினர் வழக்குப் பதிவு செய்து விசாரணை மேற்கொண்டு வருகின்றனர்.
இதையும் படிங்க: ஆய்வாளர் திட்டியதால் துப்புரவு தொழிலாளி விஷம் குடித்து தற்கொலை முயற்சி!
