கன்னியாகுமரி மாவட்டம் அஞ்சுகிராமம் மேட்டுக் குடியிருப்பு பகுதியில் தனியாருக்கு சொந்தமான காற்றாலைகள் இயங்கிவருகின்றன.
இன்று அதிகாலை அதில் ஒரு காற்றாலை தீப்பற்றி எரிந்து வெடிச்சத்தம் ஏற்படுத்தியுள்ளது. ஆனால் அப்போது அங்கு மழைபெய்துகொண்டிருந்ததால் ஊர்மக்கள் அச்சத்தத்தை இடி ஒலி என எண்ணி கவனிக்காமல் இருந்துள்ளனர்.
மறுபடியும் வெடிச்சத்தம் கேட்டதால் சந்தேகமடைந்த ஊர்மக்கள் வெளியில் வந்து பார்த்தபொழுது ஒரு காற்றாலை தீப்பிடித்து எரிந்துகொண்டுடிருந்தது.
மேலும் எரிந்துகொண்டிருந்த காற்றாலையின் பாகங்கள் காற்றின் வேகத்தில் பறந்துசென்று அருகிலுள்ள குடியிப்புகளுக்குள் விழுந்ததில் கார் ஒர்க் ஷாப் ஒன்று தீப்பிடித்து எரியத் தொடங்கியுள்ளது. இதனால் அதிர்ச்சி அடைந்த ஊர்மக்கள் தீ அதிகமாகாமல் இருக்க தீயணைப்பு துறைக்கு தகவல் தெரிவித்தனர்.
ஆனால் நல்வாய்ப்பாக அப்போது அங்கு மழைபெய்து கொண்டிருந்ததால் தீயணைப்புத் துறையினர் வருவதற்குள் தீ அணைந்துவிட்டது. இதனால் மழையால் எந்தவித உயிர்ச்சேதமோ பொருட்சேதமோ ஏற்படவில்லை.
