உலகம் முழுவதும் கரோனா வைரஸ் தொற்றால் ஐந்தாயிரத்திற்கும் மேற்பட்டோர் உயிரிழந்தனர். இந்தியாவில் கரோனா வைரஸ் தொற்று பரவாமல் இருக்க மத்திய, மாநில அரசுகள் பல்வேறு நடவடிக்கைகளை மேற்கொண்டு வருகின்றன. கன்னியாகுமரி மாவட்டத்தை பொறுத்த வரையிலும் பிரபல சுற்றுலாத் தலங்களான முக்கடல் சங்கமம் பகுதியில் சுற்றுலாப் பயணிகளின் வருகை முற்றிலும் குறைந்துவிட்டது.
பத்மநாபபுரம் அரண்மனைக்கு சுற்றுலாப் பயணிகள் வர கேரள அரசு தடை விதித்துள்ளது. களியக்காவிளை, மார்த்தாண்டம், குழித்துறை போன்ற பகுதிகளில் செயல்படும் திரையரங்குகளும் மாநில அரசின் உத்தரவுப்படி மூடப்பட்டுள்ளன.
தற்போது மாவட்டத்தில் உள்ள அனைத்து கோயில்கள், பொது இடங்கள் ஆகியவற்றில் பொதுமக்களின் நடமாட்டம் வெகுவாகக் குறைந்துள்ளது. இந்நிலையில் கன்னியாகுமரியின் குற்றாலம் என அழைக்கப்படும் திற்பரப்பு அருவியில் பயணிகள் குளிக்க மாவட்ட நிர்வாகத்தினர் தடை விதித்துள்ளனர்.
இதையும் படிங்க: கொரோனா பீதி: கோவை ஆட்சியர் அலுவலகத்தில் பொதுமக்களுக்கு கிருமி நாசினி தெளிப்பு
