தமிழ் மாதங்களில் 12 மாதங்களும் ஒவ்வொரு சிறப்புகளைப் பெற்றுள்ளன. அந்தவகையில் ஸ்ரீ கிருஷ்ண பகவான் 'நான் மார்கழி மாதமாக இருக்கிறேன்' எனப் பகவத்கீதையில் அருளியுள்ளார். அதனால் 12 மாதங்களிலேயே புனித மாதமாகக் கருதப்படும் மார்கழி மாதம் இன்று (டிச. 16) பிறந்துள்ளது.
மார்கழி மாதத்தை வரவேற்கும்விதமாக காஞ்சிபுரத்தில் அதிகாலையிலேயே எழுந்த பெண்கள் பழமையை மறக்காமல் தங்கள் வீட்டு வாசல்களில் தண்ணீர் தெளித்து, வண்ண கோலமிட்டு, பூசணிப்பூ வைத்து வாசல்கள்தோறும் விளக்கேற்றி வைத்தனர்.
காஞ்சிபுரத்தில் உள்ள சிவன், பெருமாள் உள்ளிட்ட அனைத்துக் கோயில்களும் அதிகாலையிலேயே திறக்கப்பட்டு திருப்பாவை, திருவெம்பாவை ஒலிக்க பக்தர்களின் தரிசனத்திற்கு திறந்துவைக்கப்பட்டது. அதிகாலையிலேயே பக்தர்கள் சாமி தரிசனம் செய்து இறை வழிபாட்டில் ஈடுபட்டனர்.
இதையும் படிங்க: மார்கழி முதல் நாள்: கோலமிட்டு வழிபாடு!
