கள்ளக்குறிச்சியில் மின்சாரம் பாய்ந்து இருவர் உயிரிழப்பு!

கள்ளக்குறிச்சி: உளுந்தூர்பேட்டையில் மின் இணைப்பு வயர் இரும்புகேட்டின் மீது அறுந்து விழுந்ததில், மின்சாரம் தாக்கி இருவர் உயிரிழந்த சம்பவம் சோகத்தை ஏற்படுத்தியுள்ளது.

கள்ளக்குறிச்சி மாவட்டம் உளுந்தூர்பேட்டையை அடுத்துள்ள சிவலியாங்குளம் கிராமத்தில் காலையில், மழை பெய்தபோது முருகன் என்பவரது வீட்டில் மின் இணைப்பு வயர் அறுந்து வீட்டின் இரும்பு கேட் மீது விழுந்துள்ளது.

இதனையடுத்து, அந்த கேட்டின் மீது மின்சாரம் பாய்ந்ததால், வீட்டில் பேசிக்கொண்டிருந்த விக்னேஷ்(23) என்ற இளைஞர், அவரது அண்ணி ரோஜா ஆகிய இருவரும் சம்பவ இடத்திலேயே உயிரிழந்தனர்.

விக்னேஷின் தாயார் ராஜகுமாரி படுகாயமடைந்து விழுப்புரம் முண்டியம்பாக்கம் மருந்துவக் கல்லூரி மருத்துவமனையில் சிகிச்சைக்காக அனுமதிக்கப்பட்டுள்ளார்.

இதையும் படிங்க...சுங்கச்சாவடிகளில் ஃபாஸ்ட் டேக் மூலம் வசூல்:பிப்ரவரி 15 ஆம் தேதி வரை காலக்கெடு நீட்டிப்பு