தமிழ்நாட்டில் ஏப்ரல் 6ஆம் தேதி சட்டப்பேரவை தேர்தல் நடைப்பெறும் என இந்திய தேர்தல் ஆணையம் நேற்று (பிப்.26) அறிவித்தது. தேர்தல் அட்டவணை வெளியானதைத் தொடர்ந்து, தேர்தல் விதிமுறைகள் உடனடியாக அமலுக்கு வந்தது. இதையடுத்து பவானிசாகர் சட்டப்பேரவை தொகுதியில் தேர்தல் பிரிவு அலுவலர்கள் இன்று (பிப்.27) சத்தியமங்கலம், புஞ்சைபுளியம்பட்டி ஆகிய இரு இடங்களில் உள்ள இரண்டு சட்டப்பேரவை உறுப்பினர் அலுவலகங்களை பூட்டி சீல் வைத்தனர்.
இதேபோன்று சத்தியமங்கலம், பவானிசாகர், தாளவாடி ஆகிய 3 ஊராட்சி ஒன்றிய அலுவலகங்களில் உள்ள ஊராட்சி ஒன்றியக் குழு தலைவர்களின் அறைகளை தேர்தல் பிரிவு அலுவலர்கள் பூட்டி சீல் வைத்தனர்.
இதையும் படிங்க: 'தேர்தல் தேதி அறிவிப்பு' - உடனடியாக அமலுக்கு வந்த விதிமுறைகள்!
