ஈரோடு மாவட்டம் சத்தியமங்கலம் அருகே பிரசித்திப்பெற்ற பண்ணாரி அம்மன் கோயில் உள்ளது. கேரள மாநிலத்தில் உள்ள சபரிமலை ஐயப்பன் கோயிலுக்கு, பண்ணாரி அம்மன் கோயில் வழியாக தினம்தோறும் கர்நாடகத்தில் இருந்து 100க்கும் மேற்பட்ட வாகனங்களில் திம்பம் வழியாக பக்தர்கள் சபரிமலைக்குச் செல்கின்றனர்.
இவ்வழியாக செல்லும் பக்தர்கள் சத்தியமங்கலம் பண்ணாரி அம்மன் கோயிலுக்குச் சென்று நீண்ட வரிசையில் நின்று அம்மனை வழிபட்டு வருகின்றனர். தமிழகத்தின் பிற மாவட்டங்களில் உள்ள ஐயப்ப பக்தர்களும் பண்ணாரி அம்மன் கோயிலுக்கு வந்து அம்மனை வழிபடுகின்றனர்.
கார்த்திகை மாதம் தொடங்கியது முதல் மகரஜோதி வரை, ஐயப்ப பக்தர்களின் எண்ணிக்கை அதிகரித்துள்ளதாகவும், தினமும் 2 ஆயிரம் ஐயப்ப பக்தர்கள் வந்து அம்மனை வழிபட்டு செல்வதாக கோயில் நிர்வாகத்தினர் தெரிவித்தனர்.
இதையும் படிங்க...ஐயப்ப பக்தர்களுக்கு உணவளித்த இஸ்லாமிய சகோதரர்கள்!
