ஈரோடு மாவட்டம் கோபிசெட்டிபாளையம் அருகேயுள்ள லக்கம்பட்டி காசிபாளையம் மற்றும் அரசூர் பகுதிகளில் 529 ஏழை பெண்களுக்கு தலா 25 அசில் இன நாட்டுக் கோழிகளையும், தலா 2 ஆயிரத்து 75 ரூபாயையும் அமைச்சர்கள் கே.ஏ.செங்கோட்டையன், உடுமலை ராதாகிருஷ்ணன், கருப்பணன் ஆகியோர் வழங்கினர்.
பின்னர் செய்தியாளர்களை சந்தித்து பேசிய கால்நடை பராமரிப்புத்துறை அமைச்சர் உடுமலை ராதாகிருஷ்ணன், "ஆண்டு தோறும் தமிழ்நாடு முழுவதும் 2.5 லட்சம் பெண்களுக்கு நாட்டுக் கோழியும், 1.5 லட்சம் பெண்களுக்கு 6 லட்சம் வெள்ளாடுகள், 12 ஆயிரம் கறவை பசுக்கள் வழங்கபட்டு வருகின்றன. தலைவாசலில் அமைக்கப்பட்டு வரும் கால்நடைப் பூங்காவின் 70 விழுக்காடு கட்டட பணிகள் முடிவடைந்துள்ளன. இன்னும் இரண்டு மாதத்தில் பணிகள் முழுமையாக நிறைவடைந்து வகுப்புகள் தொடங்கப்படும்.
தேனி மாவட்டம் வீரபாண்டியிலும், திருப்பூர் மாவட்டம் உடுமலைப்பேட்டையிலும் புதிதாக கால்நடை மருத்துவ ஆராய்ச்சி மையத்துடன் இணைந்த கல்லூரியும் தொடங்கப்படவுள்ளது. விரைவில் மாணவர் சேர்க்கை இந்த கல்லூரிகளிலும் நடைபெறும். நாட்டு மாடுகளை பாதுகாக்கும் வகையிலும், நாட்டு ரக நாய்களை பாதுகாக்கவும் சத்தியமங்கலத்தில் ஆராய்ச்சி மையம் அமைக்கப்படும். அரசு கேபிள் டிவி சந்தாதாரர்கள் ஆன்லைன் மூலமும் கேபிள் கட்டனத்தை செலுத்தலாம்" என தெரிவித்தார்.
இதையும் படிங்க: கரோனாவை காரணம் காட்டி பிகார் தேர்தலை ஒத்திவைக்க முடியாது - உச்ச நீதிமன்றம்
