குண்டம் திருவிழா: பக்தர்கள் தீக்குண்டம் இறங்கி நேர்த்திக்கடன்

ஈரோடு: கரியகாளியம்மன் கோயில் குண்டம் திருவிழாவில் 500-க்கும் மேற்பட்ட பக்தர்கள் தீக்குண்டம் இறங்கி நேர்த்திக்கடன் செலுத்தினர்.

ஈரோடு மாவட்டம் கோரக்காட்டூர் பகுதியில் கரியகாளியம்மன் கோயில் உள்ளது. ஒவ்வொரு ஆண்டும் ஜனவரி மாதம் குண்டம் விழா நடைபெறுவது வழக்கம்.

இந்தாண்டு குண்டம் விழா கடந்த 20ஆம் தேதி தொடங்கியது. பிப்ரவரி 1, 2 ஆகிய தேதிகளில் சந்தனகாப்பு, சுமங்கலி பூஜை நடைபெற்றது.

நேற்று (பிப். 3) பக்தர்கள் பொங்கல் வைத்தனர். இன்று குண்டம் விழா விமரிசையாக நடைபெற்றது. இதில் 500-க்கும் மேற்பட்ட பக்தர்கள் தீக்குண்டம் இறங்கி நேர்த்திக்கடன் செலுத்தினர்.

மேலும் பக்தர்களுக்கு அன்னதானம் வழங்கப்பட்டது. நாளை (பிப். 5) தேரிழுக்கும் நிகழ்வு நடைபெறவுள்ளது.

இதையும் படிங்க: கூரத்தாழ்வான் திருநட்சத்திரத்தை முன்னிட்டு ஸ்ரீவில்லிபுத்தூரில் திருவீதி உலா